3 tamyzdaǵy kún raıyna jasalǵan boljam
NUR-SULTAN. QazAqparat - Qazgıdromet 3 tamyzda bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.
Qazaqstannyń batys jáne ońtústik batys bólikterinde antıtsıklon jotasynyń yqpalynan jaýyn-shashynsyz aýa raıy kútiledi. Tek elimizdiń soltústiginde, shyǵysynda jáne ońtústik bóliginiń taýly aýdandarynda keı jerlerde jańbyrmen birge naızaǵaı bolady, ońtústikte burshaqpen birge kútiledi. Respýblıka boıynsha keı jerlerde jeldiń kúsheıýi, ońtústikte shańdy daýylmen birge kútiledi.
Kúndiz Jambyl, Túrkistan oblystarynyń taýly aýdandarynda naızaǵaı kútiledi, Jambyl oblysynda burshaq jaýady, keı jerlerde jel 15-20 m/s shańdy daýylmen birge kúsheıedi. Qyzylorda oblysynda kúndiz keı jerlerde jel 15-20 m/s, shańdy daýylmen birge kúsheıedi. Almaty oblysynda tańerteń jáne kúndiz Jalańashkól aýdanynda jel 17-22 m/s kúsheıedi. Kúndiz Soltústik Qazaqstan, Pavlodar, Shyǵys Qazaqstan oblystarynyń keı jerlerinde naızaǵaı kútiledi, jel 15-20 m/s kúsheıedi. Kúndiz Aqmola oblysynyń keı jerlerinde naızaǵaı kútiledi.
Kúndiz Almaty, Túrkistan oblystarynda, Shyǵys Qazaqstan oblysynyń ońtústiginde qatty ystyq kútiledi. Jambyl, Qyzylorda oblystarynyń basym bóliginde, Qostanaı, Qaraǵandy oblystarynyń keı jerlerinde qatty ystyq saqtalady. Atyraý oblysy, Mańǵystaý oblysynyń keı jerlerinde, Batys Qazaqstan, Aqtóbe oblystarynyń ońtústiginde óte qatty ystyq saqtalady.
Qyzylorda, Túrkistan, Mańǵystaý, Atyraý, Jambyl, Aqtóbe oblystarynyń basym bóliginde, Qaraǵandy, Almaty, Batys Qazaqstan oblystarynyń keı jerlerinde, Qostanaı, Shyǵys Qazaqstan oblystarynyń ońtústiginde, Aqmola oblysynyń jekelegen aýdanynda óte joǵary órt qaýpi kútiledi.
