3 tamyzda el aýmaǵynyń basym bóliginde jel kúsheıip, burshaq jaýýy yqtımal
NUR-SULTAN. QazAqparat – 3 tamyzda aýa aǵyndarynyń ótýine baılanysty Qazaqstannyń basym bóliginde aýa raıy qubylmaly bolady, respýblıka boıynsha keı jerlerde naızaǵaımen birge jańbyr jaýady, dep habarlaıdy QazAqparat Qazgıdrometke silteme jasap.
Bul kúni elimizdiń ońtústiginde jaýyn-kún ashyq bolady. Keı jerlerde jel kúsheıedi, daýyl, ońtústik-shyǵysta shańdy daýyl kóterilip, burshaq jaýýy múmkin.
Qostanaı, Soltústik Qazaqstan oblystarynda daýyl kútiledi, jel 15-20, keı jerlerde ekpini 23-28 m/s kúsheıedi, burshaq jaýýy yqtımal.
Aqmola, Pavlodar oblystarynyń keı jerlerinde jeldiń jyldamdyǵy 15-20 m/s jetedi.
Qaraǵandy, Shyǵys Qazaqstan oblystarynyń keı jerlerinde daýyl turýy múmkin, keı jerlerde jel 15-20 m/s kúsheıedi.
Túrkistan, kúndiz Jambyl, Batys Qazaqstan, Aqtóbe, Atyraý, Mańǵystaý oblystarynyń keı jerlerinde jel turyp, jyldamdyǵy 15-20 m/s jetedi.
Almaty oblysynda túnde jáne tańerteń jel 18-23 m/s kúsheıedi, shańdy daýyl turyp, burshaq jaýýy múmkin.
Kúndiz Almaty, Jambyl, Shyǵys Qazaqstan oblystarynda qatty ystyq kútiledi.
Qyzylorda, Túrkistan, Jambyl, Almaty, Qaraǵandy oblystarynda, Aqtóbe, Shyǵys Qazaqstan oblystarynyń keı jerlerinde óte joǵary órt qaýpi saqtalady.
