3 tamyz. QazAqparat kúntizbesi: esimder
3 tamyz, JUMA
ESІMDER
44 jyl buryn (1974) «Táýekelderdi baǵalaý toby» saraptamalyq, konsaltıngtik uıymynyń (KRAG) quryltaıshysy jáne dırektory SÁTPAEV Dosym Asylbekuly dúnıege keldi.
Abaı atyndaǵy Almaty memlekettik ýnıversıtetin saıasattanýshy, saıasattaný oqytýshysy mamandyǵy boıynsha bitirgen.
Eńbek joly: «Saıasattaný zertteýleriniń ortalyǵy» úkimettik emes stýdentter uıymynyń vıtse-prezıdenti (1993-1996); «Delovaıa nedelıa» gazetinde saıası sholýshy (1995-1997); Qazaqstan damý ınstıtýty saıası zertteýler ortalyǵynyń ǵylymı qyzmetkeri, «Saıasat» ǵylymı-saraptamalyq jýrnalynyń jaýapty redaktory (1997-2000); «Novoe pokolenıe» gazetinde saıası sholýshy (1998-2005); Brıtan ınstıtýtynyń Qazaqstandaǵy ókildiginiń dırektory (2000-2003); Ortalyq Azııa saıası zertteýler agenttigi dırektorynyń orynbasary (2000-2002); Qoǵamdyq máselelerdi taldaý ortalyǵynyń jalpy máseleler jónindegi dırektory (2001-2002); «Soros-Qazaqstan» qory basqarma múshesi (2005-2010).
38 jyl buryn (1980) Túrkistan oblysy Arys qalasynyń ákimi QADYRBEK Murat Bolatuly dúnıege keldi.
Ońtústik Qazaqstan oblysy Shardara aýdanynyń týmasy, bilimi joǵary, zańger, quqyqtaný magıstri. Qazaqstan Respýblıkasy Prezıdenti janyndaǵy Memlekettik basqarý akademııasynyń túlegi.
Eńbek jolyn 2002 jyly Qaraǵandy qalasy Qazybek bı aýdany prokýratýrasynyń bólim prokýrory laýazymynan bastady. 2004-2008 jyldary Qazybek bı aýdany prokýrorynyń kómekshisi, Shyǵys Qazaqstan oblysy Tarbaǵataı aýdandyq №2 sotynyń sýdıasy laýazymdaryn atqardy. 2008-2011 jyldary Qazaqstan Respýblıkasy Qorshaǵan ortany qorǵaý mınıstrliginde bıýdjettik josparlaý, qarjy-ekonomıkalyq qamtamasyz etý jáne memlekettik aktıvterdi basqarý, ekonomıka jáne qarjy departamentteri dırektorynyń orynbasary, Almaty oblysy Eńbekshiqazaq aýdany ákiminiń orynbasary bolyp eńbek etti. 2011-2016 jyldary Qazaqstan Respýblıkasy Memlekettik qyzmet isteri agenttiginiń Memlekettik qyzmetti kadrlyq qamtamasyz etý departamenti dırektorynyń orynbasary, Almaty oblysy boıynsha departament basshysynyń orynbasary, Soltústik Qazaqstan jáne Mańǵystaý oblysy boıynsha departamentter basshysy - tártiptik keńes tóraǵasy laýazymdaryn atqardy.
2016 jyldyń qyrkúıek aıynan bastap qazirgi qyzmetinde.
33 jyl buryn (1985) tanymal boksshy JAILAÝOV Ǵanı dúnıege keldi.
Qyzylorda oblysy Araı kentinde týǵan. HHH jazǵy Olımpıada oıyndarynda Qazaqstan Respýblıkasynyń namysyn qorǵady. 60 kelige deıingi salmaq dárejesinde óner kórsetti.
Halyqaralyq dárejedegi sport sheberi, 2009 jylǵy Azııa chempıonatynyń qola júldegeri, 2010 jyly stýdentter arasynda ótken álem chempıonatynyń kúmis júldegeri, 2011 jylǵy álem chempıonatynyń qola júldegeri.