3 shildede Qazaqstannyń basym bóliginde aptap ystyq aýa raıy saqtalady
ASTANA. QazAqparat - Qazaqstannyń soltústik, ortalyq jáne shyǵys aımaqtarynda atmosferalyq aǵyndardyń ótýine baılanysty keı jerlerde naızaǵaı oınap, jańbyr jaýady, jel kúsheıedi, respýblıkanyń soltústigi men shyǵysynyń keı jerlerinde burshaq jaýýy yqtımal.
Eldiń ońtústiginde, ońtústik-shyǵysy men batysynda kún ashyq bolady, dep habarlady Tótenshe jaǵdaılar komıteti «Qazgıdrometke» silteme jasap.
Aqmola, Soltústik Qazaqstan oblystarynyń keı jerlerinde jel 15-20 m/s-qa deıin kúsheıip, burshaq jaýýy yqtımal.
Pavlodar, Shyǵys Qazaqstan oblystarynyń keı jerlerinde jel 15-20 m/s-qa deıin kúsheıip, kúndiz keı jerlerde burshaq jaýýy yqtımal.
Qaraǵandy, Qyzylorda, kúndiz Jambyl, Batys Qazaqstan, Aqtóbe, Mańǵystaý oblystarynyń keı jerlerinde jel 15-20 m/s-qa deıin kúsheıip, Qyzylorda, kúndiz Mańǵystaý oblystarynyń keı jerlerinde shańdy daýyl kóteriledi.
Túnde Qostanaı oblysynyń keı jerlerinde, kúndiz basym bóliginde jeldiń 1ekpini 5-20 m/s-qa jetedi.
Kúndiz Jambyl, Qyzylorda, Mańǵystaý, Atyraý oblystarynda, Qaraǵandy oblysynyń keı jerlerinde, Almaty, Ońtústik Qazaqstan oblystarynda kúndiz aptap ystyq bolady dep kútilýde.
Mańǵystaý oblysynda da kún qatty ysıdy.
Qyzylorda, Aqtóbe oblystarynyń basym bóliginde, Atyraý, Batys Qazaqstan, Qaraǵandy, Jambyl, Ońtústik Qazaqstan, Almaty oblystarynda óte joǵary órt qaýpi saqtalady.
.
