3 shilde kúni el aýmaǵynda aýa raıy qandaı bolady
NUR-SULTAN. QazAqparat - Sınoptıkter 3 shilde kúni Qazaqstan aýmaǵynda aýa raıy qandaı bolatynyn jarııalady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstan terrıtorııasynyń basym bóligi antıtsıklon yqpalynda bolǵandyqtan, ystyq jáne kurǵaq aýa raıy saqtalady.
Tek batys jáne soltústik óńirlerde tsıklon jyrasy jáne onymen baılanysty atmosferalyq fronttar ótedi. Saldarynan ótkinshi jańbyr jáne burshaq jaýady, naızaǵaı jarqyldaıdy.
Respýblıka boıynsha keı jerlerde jel kúsheıedi, ońtústik-batysta shańdy daýyl soǵady.
Batys Qazaqstan, Qostanaı oblystarynyń keı jerlerinde daýyl soǵady, burshaq jaýady. Jel qarqyny 15-20 m/s deıin kúsheıedi.
Qyzylorda, Soltústik Qazaqstan oblystarynda kúndiz keı jerlerde jel ekpini - 15-20 m/s. Qyzylorda oblysynda shańdy daýyl turady.
Jambyl oblysynda tańerteń jáne kúndiz keı jerlerde burshaq jaýady. Jel jyldamdyǵy 15-20 m/s jetedi.
Kúndiz Aqmola, Qyzylorda, Qostanaı, Qaraǵandy oblystarynda qatty, keı jerlerde óte qatty ystyq saqtalady.
Almaty, Jambyl, Túrkistan, Atyraý, Aqtóbe, Soltústik Qazaqstan, Pavlodar, Shyǵys Qazaqstan oblystarynda, Batys Qazaqstan oblysynyń keı jerlerinde, Mańǵystaý oblysynyń ońtústiginde aptap ystyq bolady.
Qyzylorda, Túrkistan, Mańǵystaý oblystarynda, Atyraý, Aqtóbe, Jambyl oblystarynyń basym bóliginde, Qaraǵandy, Batys Qazaqstan, Qostanaı, Almaty oblystarynyń keı jerlerinde, Aqmola oblysynyń jekelegen aýdandarynda óte joǵary órt qaýpi saqtalady.
