3 shaqalaq aýrýhanaǵa tikushaqpen jetkizildi - ShQO
ÓSKEMEN. QazAqparat – Shyǵys Qazaqstan oblysynda QR Tótenshe jaǵdaılar mınıstrliginiń «Qazavıaqutqarý» ushqyshtary 3 shaqalaq pen 2 eresek adamdy aýrýhanaǵa jetkizdi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Aqjar men Aqsýat aýyldarynan jańa týǵan 3 shaqalaq, Katonqaraǵaı aýdanynan áıel jáne Altaı qalasynan er adam tikushaqpen Óskemen qalasyna jetkizildi. Olarǵa shuǵyl medıtsınalyq kómek kórsetilýi tıis bolǵan.
«Jedel áreket etý úshin «Eurocopter-145» tikushaǵynyń ushqyshtary kún jaryq kezde patsıentterdi alyp Óskemenge jetýi kerek edi», - dep habarlady vedomstvo ókilderi.
Aıta keteıik, sońǵy kúnderi óńirde qolaısyz meteojaǵdaı qalyptasqan. Biraq soǵan qaramastan QR TJM «Qazavıaqutqarý» ushqyshtary Igor Mýhın men Ilıa Tochaı azamattardy jedel jetkizip tastady.
