3 sáýirde Qazaqstanda ótetin mańyzdy oqıǵalarǵa sholý
ASTANA. QazAqparat - «QazAqparat» halyqaralyq aqparat agenttigi ádettegideı 3 sáýir kúni el aýmaǵynda ótetin eń mańyzdy oqıǵalarǵa sholý jasaıdy.
ASTANA
Saǵat 10-00-de «Úkimet úıinde» Úkimet otyrysy ótedi. Otyrys barysynda 2018-2022 jyldarǵa arnalǵan QR áleýmettik-ekonomıkalyq damý boljamdary men 2018-2020 jyldarǵa arnalǵan respýblıkalyq bıýdjet naqtylanady. Sonymen qatar 2016-2019 jyldarǵa arnalǵan elimizdegi bilim men ǵylymdy damytý memlekettik baǵdarlamasynyń ótken jylǵy júzege asyrylýyna qorytyndy shyǵarylady. Munan bólek, veterınarlyq jáne fıtosanıtarlyq qaýipsizdik, densaýlyq saqtaý salasyn tsıfrlandyrý máselesi qaralyp, 2018 jyldyń 1 toqsanynda ınflıatsııa deńgeıi sóz bolady.
Dál osy ýaqytta L.Gýmılev atyndaǵy Eýrazııa ulttyq ýınversıtetinde QR ІІM Esirtki bıznesimen úkres departamenti Astana qalalyq ishki ister departamentimen birlesip, «Jasóspirimder nashaqorlyǵynyń aldyn alý» taqyrybynda ınteraktıvti sabaq ótkizedi.
Al saǵat 10-00-de S.Seıfýllın atyndaǵy Qazaq agrotehnıkalyq ýnıversıtetinde erler men áıelder arasynda «belbeý kúresinen» Qazaqstan chempıonaty bastalady.
Araǵa bir ýaqyt salyp «Kórme» kórme ortalyǵynda KIAF ІІІ Qazaqstandyq halyqaralyq avtomobıl forýmy óz jumysyn bastaıdy. Kórme taqyryby: Jolaýshylar kóliginiń bolashaǵy.
Ortalyq kommýnıkatsııalar qyzmetinde saǵat 15-00-de «Qaıtarymsyz qan donorlyǵyn damytýdyń ózekti máseleleri» taqyryndaǵy ІІ Eýrazııalyq kongresske arnalǵan baspasóz máslıhaty bolady.
Saǵat 16-00-de Sputnik Qazaqstan mýltımedıalyq baspasóz ortalyǵynda Astana men Máskeý sarapshylarynyń qatysýymen Memleket basshysynyń «Táýelsizdik dáýiri» kitabyn talqylaýǵa arnalǵan brıfıng-telekómir ótedi.
Al saǵat 19-00-de Búkilreseılik dekoratıvti-qoldanbaly jáne halyq óneri mýzeıiniń QR Ulttyq mýzeıimen birlesken «Uly dala murasy: zerlerdik óner jaýharlary» atty kórmesi ashylady.
ALMATY
Saǵat 10-00-de My Café-de ınteraktıvti kýlınarlyq kezdesý ótedi. Onda amerıkalyq saıasattanýshy ári ekonomıst Devıd M. Valer BAQ ókilderi úshin arnaıy et asyp beredi.
Sonymen qatar saǵat 10-00-de Boraldaı munaı bazasynda «Gazprom-munaı Qazaqstan» statsıonardyq zerthanasy ashylady. Baspasóz týry barysynda zerthananyń biregeı qural-jabdyqtarymen tanysýǵa jáne kez kelgen janar-jaǵarmaıdy tekserý protsesin kórýge múmkindik bar.
Adam quqyǵy jónindegi qazaqstandyq halyqaralyq bıýro baspasóz ortalyǵynda saǵat 11-00-de «Segiz stýdent sottaldy, esirtki aınalymy jalǵasýda» taqyrybynda baspasóz máslıhaty uıymdastyrlady.
11-00-de Almat qalasynyń óńirlik kommýnıkatsııalar qyzmetinde qalanyń baspana jáne turǵyn úı ıspektsııasy basqarmasynyń ótken jylǵy jumys qorytyndysy men bıylǵy josparlaryna arnalǵan baspasóz málsıhaty ótedi.
Al keshki saǵat 16-00-de Kinopark 11 (Esentaı) IMAX 3D kınoteatrynda «Ámire» fılminiń tusaýkeseri bolady.
OŃTÚSTІK QAZAQSTAN OBLYSY
11-00-de Shymkent qalasy Ál-Farabı aýdany ákimdiginiń ǵımaratynda QR Parlamenti Senatynyń depýtaty Álı Bektaev qala aktıvimen kezdesip, Elbasynyń bes áleýmettik bastamasyn túsindiredi.
ShYǴYS QAZAQSTAN OBLYSY
17-00-de Semeı qalasyndaǵy Abaı atyndaǵy Shyǵys Qazaqstan oblystyq memlekettik qazaq mýzykalyq-drama teatrda «Rýhanı jańǵyrý» baǵdarlamasy aıasynda 18-22 jas aralyǵynda stýdentter men jumys isteıtin jastar arasyndaǵy WorldSkills Shygys 2018 kásibı sheberlik halyqaralyq týrnıriniń óńirlik chempıonatynyń ashylýy bolady.
QOSTANAI OBLYSY
Saǵat 12-00-de A.Baıtursynov atyndaǵy Qotsnaı memlekettik ýnıversıtetinde QR Parlamenti Senatynyń depýtattary Bektas Beknazarov, Serik Bekturǵanov jáne Jeńis Nurǵalıev stýdenttermen kezdesip, QR Prezıdentiniń bes áleýmettik bastamasyn túsindiredi.
