3 sáýir kúni Qazaqstanda ótetin mańyzdy sharalarǵa sholý

NUR-SULTAN

Saǵat 09.30-da Qazaqstan Respýblıkasy Tuńǵysh Prezıdenti - Elbasy qory jáne Álemdik ekonomıka jáne saıasat ınstıtýty Ońtústik Koreıadaǵy eń iri kommertsııalyq emes uıym - Koreı Qorymen birlesip, «Koreı túbeginiń ıadrolyq qarýsyzdanýy» taqyrybynda halyqaralyq dóńgelek ústel ótkizedi.

Saǵat 10.00-de QR Parlamenti Májilisiniń jalpy otyrysy bastalady.

Saǵat 10.00-de S.Máýlenov atyndaǵy №37 orta mektepte «Nur Otan» partııasynyń «Kedergisiz keleshek» jobasynyń birinshi baǵyty aıasynda «Bolashaq» korporatıvtik qorynyń ashylýyna qoldaý kórsetý kabınetinde shara ótedi.

Saǵat 10.30-da Transport Taýer ǵımaratynda «Qazaqstan Respýblıkasynyń keıbir zańnamalyq aktilerine ónerkásiptik qaýipsizdik máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zań jobasynyń qoǵamdyq tyńdalymy ótedi.

Saǵat 10.30-da Senatta «Avtorlyq jáne sabaqtas quqyqtardy basqarý týraly shartty ujymdyq negizde ratıfıkatsııalaý týraly» zań jobasy boıynsha Konstıtýtsııalyq zańnama, sot júıesi jáne quqyq qorǵaý organdary týraly keńestiń keńeıtilgen otyrysy ótedi.

Saǵat 11.00-de Úkimet úıinde 2018 jyldyń qorytyndysy boıynsha aýyl sharýashylyǵy ónimderin eksporttaýdyń aımaqtyq erekshelikteri týraly taqyrybynda baspasóz konferentsııasy ótedi.

Saǵat 14.20-da Ortalyq kommýnıkatsııalar qyzmetiniń alańynda «Central Asia's Got Talent» (Ortalyq Azııa talanttardy izdeıdi) televızııalyq jobasyna irikteý bastaldy» taqyrybynda baspasóz konferentsııasy ótedi.

Saǵat 15.00-de «Radisson Astana» qonaq úıinde «Qazaqstannyń taý-ken ónerkásibindegi jasyl ekonomıkany damytý» №1 tehnıkalyq sessııasynyń aıasynda «Fılıp Morrıs Qazaqstan» JShS qaýipsizdik, eńbek, ekologııa jáne ákimshilik qyzmetter departamentiniń bastyǵy Artýr Baıbolatov FMK mysalynda jumys kezinde qaýipsizdik mádenıetin engizý týraly aıtyp beredi.

Saǵat 16.20-da Ortalyq kommýnıkatsııalar qyzmetinde Qazaqstan Respýblıkasynyń Tuńǵysh Prezıdenti - Elbasy kitaphanasynyń «N. Nazarbaev: dáýir, tulǵa, qoǵam» kóshpeli kórme jobasynyń tusaýkeseri men Kitaphana qyzmetiniń baǵyttaryna arnalǵan baspasóz konferentsııasy ótedi.

ALMATY

Saǵat 10.00-de ál-Farabı atyndaǵy QazUÝ-da Farabı oqýlary aıasynda «Ál-Farabı jáne qazirgi zaman» VI Halyqaralyq forýmy ótedi.

Saǵat 11.00-de «Interfaks-Qazaqstan» agenttiginiń baspasóz ortalyǵynda «Star of AAsia.kz» halyqaralyq mýzykalyq festıvaline arnalǵan baspasóz máslıhaty ótedi. Oǵan festıvaldiń bas rejısseri Shara AIDAROVA, atqarýshy prodıýser Sandýǵash ABDIEVA jáne jetekshi Kırıll MEIDER qatysady.

Saǵat 12.00-de Qazaqstan baspasóz klýbynda Halyqaralyq djaz festıvaline arnalǵan baspasóz konferentsııasy ótedi.

Saǵat 16.00-de Abaı atyndaǵy qazaq Memlekettik akademııalyq Opera jáne balet teatrynda jıyrmasynshy ǵasyrdyń ańyzǵa aınalǵan bıshisi Rýdolf Nýreevtiń mereıtoıyna arnalǵan III Halyqaralyq balet globýs bı festıvaliniń ashylýyna arnalǵan baspasóz konferentsııasy ótedi.

KÓKShETAÝ

Saǵat 10.00-da Dostyq úıinde múmkindigi shekteýli balalar arasyndaǵy «Juldyzaı» festıvali ótedi. Іs-sharaǵa 65 bala qatysady.