3 sáýir. Kún raıynyń boljamy
NUR-SULTAN. QazAqparat – «Qazgıdromet» 3 sáýirde bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.
Qazaqstan terrıtorııasynyń basym bóligi áli de antıtsıklonnyń áserinde bolǵandyqtan jaýyn-shashynsyz aýa raıy saqtalady. Tek elimizdiń soltústiginde jáne batysynda atmosferalyq frontaldy bólikterdiń ótýine baılanysty keı jerlerinde jaýyn-shashyn (jańbyr, qar) túsedi. Respýblıkanyń keı jerlerinde tuman, kóktaıǵaq, jeldiń kúsheıýi, ońtústik-batysta shańdy daýyl, ońtústikte naızaǵaı kútiledi.
Jambyl, Qostanaı, Soltústik Qazaqstan, Aqmola, Qaraǵandy, Mańǵystaý oblystarynyń keı jerlerinde tuman, jel 15-20 m/s, Jambyl oblysynda ekpini 23-28 m/s, Mańǵystaý oblysynyń keı jerlerinde shańdy daýyl kútiledi.
Almaty, Batys Qazaqstan, túnde jáne tańerteń Shyǵys Qazaqstan oblystarynyń keı jerlerinde tuman, Almaty oblysynyń keı jerlerinde kóktaıǵaq kútiledi. Pavlodar, Atyraý oblystarynyń túnde keı jerlerinde jel 15-20 m/s deıin kúsheıedi.
Túrkistan, Aqtóbe, Qyzylorda oblystarynyń keı jerlerinde jel 15-20 m/s, Aqtóbe oblysynyń keı jerlerinde kóktaıǵaq, Qyzylorda oblysynyń kúndiz keı jerlerinde naızaǵaı kútiledi.
