3 sáýir bizdiń ómirizde eń eleýli kún bolyp qalmaq - A.Turnııazova, BQO
ORAL. 4 sáýir. QazAqparat /Eljan Eraly/ - 3 sáýir kúni ótken QR Prezıdentiniń kezekten tys saılaýyna qatysqanymdy ómirimdegi eń eleýli kúnderdiń biri dep esepteımin.
Sebebi birinshi ret daýys berdim. «Bolashaq - jastardiki» dep elimiz bizge senim artyp otyr. Bir daýystan eldiń taǵdyry sheshiletini saılaýǵa jaýapkershilikpen qaraý kerektigin uqtyrady. Bul týraly Batys Qazaqstan medıtsına kolledjiniń stýdenti Adargúl Turnııazova málim etti.
«Men medıtsınalyq kolledjinde oqımyn. Oqý ǵımaratynda ornalasqan №539 saılaý ýchaskesinde ózim qatarlas stýdenttermen birge osy asa jaýapty sátti birge ótkizdim. Jastardyń aldynda bilim alý, el ómirine aralasyp eńbek etý, shańyraq kóterip, urpaq tárbıeleý mindetteri tur. Olar úshin turǵyn úı - eń basty másele. Munyń bári memleket basshysynyń iskerligine baılanysty. Sondyqtan men óz daýsymdy Elbasymyz Nursultan Nazarbaevqa berdim jáne ózimdi qateleskenim joq dep esepteımin», - dedi A.Turnııazova.
