3 sábıdiń máıiti tońazytqyshtyń ishinen tabyldy
ASTANA. 27 sáýir. QazAqparat - Germanııanyń Gessen jerinde polıtsııa qyzmetkerleri úılerdiń birinen, tońazytqyshtyń ishinen 3 sábıdiń máıitin tapty.
Qazirgi ýaqytta temir tordyń ar jaǵynda otyrǵan olardyń anasy nárestelerdiń ólip týǵandyǵyn aıtýda.
Beıkúná 3 sábıdiń máıiti polıtsııa qyzmetkerlerimen Langgens aýylyndaǵy úılerdiń birinde ornalasqan garajdan jáne jertóleden tabylǵan. Jergilikti tártip saqshylardyń sózine qaraǵanda, náresteler tońazytqyshtyń ishinde jatqan. Prokýror málim etkendeı, balalardyń máıiti tońazytqyshtyń ishinde birneshe aı boıy saqtalyp turǵan.
Keıin anyqtalǵandaı, páter jaldap turǵan áıel alaıaqtyq áreketi úshin 6 jylǵa sottalǵan, dep habarlady "Interfaks" . Tergeý kezinde ol tabylǵan balalardyń anasy ekendigin rastady. Onyń sózine qaraǵanda, olar ólip týylǵan. Ázirge osy oqıǵaǵa baılanysty áıelge eshqandaı aıyp taǵylǵan joq, dep habarlady dnı.rý.
