3 óńirde trassalar jabyq – QazAvtoJol

ASTANA. QazAqparat - Aýa-raıynyń qolaısyzdyǵyna baılanysty 3 óńirdegi jol ýchaskelerinde qozǵalysqa ýaqytsha shekteý engizildi, dep habarlaıdy QazAqparat «QazAvtoJol»-ǵa silteme jasap.

Atap aıtqanda, Jambyl oblysynda «Ekaterınbýrg-Almaty» tasjolynyń Saryshaǵan aýylynan Býrylbaıtal aýylyna deıingi aralyǵynda kóliktiń barlyq túri úshin qozǵalysqa tyıym salyndy.

Jetisý oblysynda «Úsharal-Dostyq» tasjolynyń Kóktuma beketinen Dostyq beketine deıingi aralyǵynda kóliktiń barlyq túrine qozǵalysqa shekteý engizildi.

Batys Qazaqstan oblysynda «Atyraý-Oral» tasjolynyń Atyraý oblysynyń shekarasynan Chapaev aýylyna deıingi aralyǵynda júk jáne qoǵamdyq kólik qozǵalysyna ruqsat joq.