3 óńirde óńdeý ónerkásibiniń kólemi ósti
NUR-SULTAN. QazAqparat – 2020 jyly óńdeý ónerkásibi joǵary ósim kórsetti. Bul týraly Úkimet otyrysynda QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.
«2020 jyly óńdeý ónerkásibi joǵary ósim kórsetti. Óńdeýdiń ósim qarqyny 3,9 paıyzǵa deıin jedeldedi. Bul rette, OPEK+ kelisiminiń aıasynda munaı óndirisiniń qysqarýy saldarynan ken óndirý ónerkásibi 3,7 paıyzǵa tómendedi. Nátıjesinde, jalpy ónerkásiptiń naqty kólem ındeksi 99,3 paıyzdy qurady», -dedi Rýslan Dálenov.
Onyń aıtýynsha, óńdeý ónerkásibi boıynsha 12 óńir ósim kórsetti.
«Joǵary ósim Qostanaı, Aqmola jáne Soltústik Qazaqstan oblystarynda baıqalady. 4 óńirde tómendeý tirkeldi. Olar Qyzylorda, Batys Qazaqstan jáne Atyraý oblystary, sondaı-aq Shymkent qalasy», - dedi mınıstr.
