3 naýryz. Tulǵalar týǵan kún

ASTANA. QazAqparat – Búgin, ıaǵnı 3 naýryz kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

5 8 jyl buryn (1965) Parlament Senatynyń depýtaty Serik Jamanqululy ShAIDAROV dúnıege keldi.

Qaraǵandy oblysy Jańaarqa aýdany Atasý kentinde týǵan. 1990 jyly ınjener-qurylysshy biliktiligi boıynsha Qaraǵandy polıtehnıkalyq ınstıtýtyn bitirdi. 2001 jyly Qaraǵandy memlekettik tehnıkalyq ýnıversıtetinde ekonomıst biliktiligin aldy.

1990-1991 jyldary – «Jezqazǵanmelıoratsııa» óndiristik qurylys-paıdalaný birlestiginiń óndiristik-tehnologııalyq jınaqtaý basqarmasynyń ınjeneri, bólim bastyǵy. 1991-1992 jyldary – Jańaarqa aýdany Atasý kentindegi «Irtyshkanalstroı» tresiniń óndiristik-tehnologııalyq jınaqtaý basqarmasynyń bas ınjeneri, materıaldyq-tehnıkalyq qamtamasyz etý bóliminiń bastyǵy, trest basqarýshysynyń orynbasary. 1992-1994 jyldary – Jańaarqa aýdany Atasý kentindegi «ÝPTK» ujymdyq kásipornynyń tóraǵasy. 1994-1996 jyldary – Jańaarqa aýdandyq ákimshilik basshysynyń orynbasary. 1996-1997 jyldary – Jańaarqa aýdany ákiminiń birinshi orynbasary. 1997-2007 jyldary – Jańaarqa aýdanynyń ákimi. 2007-2011 jyldary – Nura aýdanynyń ákimi. 2011-2013 jyldary – Qaraǵandy oblysynyń tabıǵı resýrstar jáne tabıǵat paıdalanýdy retteý basqarmasynyń bastyǵy. 2013-2014 jyldary – Jezqazǵan qalasynyń ákimi. 2014-2017 jyldary – Abaı aýdanynyń ákimi. 2017 jylǵy maýsymnan bastap – Qaraǵandy oblysy ákiminiń AÓK jáne aýyl sharýashylyǵy máseleleri jónindegi orynbasary bolyp taǵaıyndaldy.

«Qurmet» Ordenimen marapattalǵan.

2022 jyldyń tamyz aıynan bastap qazirgi qyzmetinde.

58 jyl buryn (1965) M. Dýlatı atyndaǵy Taraz óńirlik memlekettik ýnıversıtetiniń rektory Muhtar Qazbekuly BAIJUMANOV dúnıege keldi.

Taldyqorǵan (qazirgi Jetisý) oblysynda týǵan. І. Jansúgirov atyndaǵy Jetisý pedagogıkalyq ınstıtýtyn bitirgen.

Eńbek joly: Almaty oblysy Kóksý aýdany mektebinde matematıka pániniń muǵalimi (1989); Taldyqorǵan memlekettik ýnıversıtetiniń oqytýshysy, aǵa oqytýshysy, dekan orynbasary, dekany (1991-2000); Ál-Farabı atyndaǵy QazUÝ ǵylymı qyzmetkeri (1996-1997); Q. Sátpaev atyndaǵy QazUTÝ aǵa oqytýshysy (2000-2001); Bilim jáne ǵylym mınıstrliginiń apparatynda qyzmetker (2001-2011); «Azamattyq avıatsııa akademııasy» AQ rektory (2012-2018); Shákárim ýnıversıtetiniń rektory, basqarma tóraǵasy (2020-2021); Qazaq tehnologııa jáne bıznes ýnıversıtetiniń rektory, basqarma tóraǵasy (2021-2022).

2022 jyldyń jeltoqsan aıynan bastap qazirgi qyzmetinde.

40 jyl buryn (1983) Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Batyrbekuly MÝSIN dúnıege keldi.

Pavlodar oblysy Ekibastuz qalasynda týǵan. Súleımen Demırel atyndaǵy ýnıversıtetti, Qazaq quqyqtaný jáne halyqaralyq qatynastar ınstıtýtyn bitirgen.

Eńbek joly: 2011 jáne 2012 jyldar aralyǵynda BAM Memlekettik qyzmetterdi avtomattandyrýdy baqylaý jáne HQO qyzmetin úılestirý komıteti tóraǵasynyń orynbasary boldy. 2012 jyldan bastap Kólik jáne kommýnıkatsııa mınıstrliginiń Memlekettik qyzmetterdi avtomattandyrýdy baqylaý jáne HQO qyzmetin úılestirý komıteti tóraǵasynyń laýazymyn atqardy. 2014 jyldyń sáýirinde «Ulttyq aqparattyq tehnologııalar» AQ Basqarma tóraǵasy bolyp taǵaıyndaldy. 2014 jyldyń tamyzynda «Qazpochta» AQ basqarma tóraǵasy qyzmetine kiristi. 2017 jyly Bas prokýratýranyń Quqyqtyq statıstıka komıteti tóraǵasy bolyp taǵaıyndaldy. 2019-2020 jyldary QR Prezıdenti janyndaǵy Ulttyq qoǵamdyq senim keńesiniń múshesi boldy.

2020 jyldyń qyrkúıek aıynan bastap qazirgi qyzmetinde.

«Eren eńbegi úshin», «Qazaqstan Respýblıkasynyń táýelsizdigine 20 jyl» medaldarymen marapattalǵan.

35 jyl buryn (1988) Almaty oblysy prokýrorynyń orynbasary Azamat Joldasbekuly KÚRENKEI dúnıege keldi.

Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin quqyqtaný mamandyǵy boıynsha bitirgen. QR Prezıdentiniń janyndaǵy Memlekettik basqarý akademııasy, quqyqtaný (magıstratýra).

Eńbek joly: Almaty qalasy Jetisý aýdany prokýrorynyń kómekshisi (2010 j.); Astana qalasy Esil aýdany prokýrorynyń kómekshisi, aǵa kómekshisi; Astana qalasy Esil aýdany prokýratýrasynyń basshysy; Astana qalasy prokýratýrasynyń prokýrory; Bas prokýratýra departamentiniń prokýrory; Almaty oblysy prokýratýrasy basshysynyń orynbasary; Almaty oblysy Eńbekshiqazaq aýdany prokýrorynyń orynbasary (02.2019 - 04.2019); Almaty oblysy Eńbekshiqazaq aýdanynyń prokýrory (2019-2022).

2022 jyldyń qazan aıynan bastap qazirgi qyzmetinde.