3 naýryz. Týǵan kún ıeleri
ESІMDER
63 jyl buryn (1956) VI saılanǵan Qazaqstan Respýblıkasy Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi Vasılıı Ivanovıch OLEINIK dúnıege keldi.
Moldavııa KSR Beltsy qalasynda týǵan. 1980 jyly F.Dzerjınskıı atyndaǵy Harkov zań ınstıtýtyn bitirgen, aǵa ádilet keńesshisi.
1980-1985 jyldary - Moldavııa KSR Ryshkan aýdanynyń prokýratýrasynyń qyzmetkeri. 1985-1987 jyldary - Ýkraına KSR Donetsk oblysynyń prokýratýrasynyń qyzmetkeri. 1987-2001 jyldary - Semeı qalasyndaǵy Kalının, Lenın aýdandarynyń, Shyǵys Qazaqstan, Qostanaı oblystarynyń, Almaty qalasynyń prokýratýralarynda, Qazaqstan Respýblıkasy Bas prokýratýrasynyń qyzmetkeri. 2001-2002 jyldary - Qostanaı oblysy prokýrorynyń birinshi orynbasary. 2002-2005 jyldary - Shyǵys Qazaqstan oblysy prokýrorynyń birinshi orynbasary. 2005-2006 jyldary - Almaty qalasy prokýrorynyń birinshi orynbasary. 2006-2010 jyldary - Qazaqstan Respýblıkasynyń Bas prokýratýrasy Jedel-izdestirý qyzmetiniń zańdylyǵyn qadaǵalaý jónindegi departamentiniń Basqarma bastyǵy, joǵaryda atalǵan departament bastyǵynyń orynbasary, Qylmystyq protsestiń zańdylyǵyn qadaǵalaý jónindegi departamentiniń basqarma bastyǵy. 2010 jyly - Shyǵys Qazaqstan oblysy prokýrorynyń tabıǵatty qorǵaý zańnamasyn qoldanýdyń zańdylyǵyn qadaǵalaý jónindegi aǵa kómekshisi. 2010-2012 jyldary - Shyǵys Qazaqstan oblysy prokýratýrasy Jedel-izdestirý qyzmetiniń zańdylyǵyn qadaǵalaý jónindegi basqarmasynyń bastyǵy. 2012-2015 jyldary - Shyǵys Qazaqstan oblysy prokýrorynyń orynbasary.
2016 jylǵy 24 naýryzdan bastap - VI saılanǵan Qazaqstan Respýblıkasy Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi, «Nur Otan» partııasynyń Qazaqstan Respýblıkasy Parlamenti Májilisindegi fraktsııasynyń múshesi.
Nagradalary: ІІ dárejeli «Aıbyn» ordeni (2015), «Eren eńbegi úshin» medali (2008), «Astananyń 10 jyldyǵy» mereıtoılyq medali (2008), «Qazaqstan Respýblıkasynyń táýelsizdigine 10 jyl» mereıtoılyq medali (2005), «Qazaqstan Konstıtýtsııasyna 10 jyl» mereıtoılyq medali (2001), «Prokýratýra ardageri» medali (2011), «Qazaqstan Respýblıqasynyń prokýratýrasyna 20 jyl» mereıtoılyq medali, I, II jáne III dárejeli «Mińsiz qyzmeti úshin» medali, «Shyǵys Qazaqstan oblysynyń prokýratýrasyna 75 jyl» medali.
59 jyl buryn (1960) «Syrbar» QR Syrtqy barlaý qyzmeti dırektorynyń orynbasary Isataı Baqtııaruly SARTAEV dúnıege keldi.
Aqtóbe oblysynda týǵan. 2009-2015 jyldary «Syrbar» syrtqy barlaý qyzmeti dırektorynyń orynbasary, 2015-2018 jyldary «Syrbar» syrtqy barlaý qyzmeti dırektorynyń birinshi orynbasary, 2018-2019 jyldary «Syrbar» QR Syrtqy barlaý qyzmetiniń dırektory.
Qazirgi qyzmetinde - 2019 jyldyń aqpanynan.
55 jyl buryn (1964) qazaqstandyq tarıhshy, saıasattanýshy, shyǵystanýshy Sultan Maǵrupuly ÁKІMBEKOV dúnıege keldi.
1987 jyly S.M. Kırov atyndaǵy Qazaq memlekettik ýnıversıtetin támamdaǵan.
KSRO ǴA Áleýmettaný ınstıtýtynyń is-tájrıbelik-zertteýshisi (1987-1989), Reseı ǵylym akademııasynyń áleýmettik-saıası zertteýler ınstıtýtynyń aspıranty (1989-1992), «Panorama» gazetiniń saıası sholýshysy, «Bıznes aptalyǵy» (1996-1997), «Qazaqstan» aqparattyq-taldaý ortalyǵynyń basshysy (1997-1998), Qazaqstan Respýblıkasy Prezıdenti janyndaǵy Qazaqstan strategııalyq zertteýler ınstıtýtynyń meńgerýshisi (1998-2000); «Kontınent» jýrnalynyń bas redaktorynyń orynbasary (1999-2001), Qazaqstan Respýblıkasy Prezıdentiniń shtattan tys keńesshisi (2006 jyldan), «Kontınent» jýrnalynyń bas redaktory (2009 jyldan - «Azııa ortalyǵy»), Qazaqstan Respýblıkasy Tuńǵysh Prezıdentiniń Qory janyndaǵy Álemdik ekonomıka jáne saıasat ınstıtýtynyń dırektory (2010-2011), 2011 jyldan Saıası taldaý ortalyǵynyń dırektory, 2012 jyldan Azııadaǵy zertteýler ınstıtýtynyń dırektory, 2013-2017 jyldary QR Tuńǵysh Prezıdenti Qory janyndaǵy Álemdik ekonomıka jáne saıasat ınstıtýtynyń dırektory bolǵan.
54 jyl buryn (1965) Qaraǵandy oblysy ákiminiń orynbasary Serik Jamanqululy ShAIDAROV dúnıege keldi.
Qaraǵandy oblysy Jańaarqa aýdany Atasý kentinde týǵan. 1990 jyly ınjener-qurylysshy biliktiligi boıynsha Qaraǵandy polıtehnıkalyq ınstıtýtyn bitirdi. 2001 jyly Qaraǵandy memlekettik tehnıkalyq ýnıversıtetinde ekonomıst biliktiligin aldy.
1990-1991 jyldary - «Jezqazǵanmelıoratsııa» óndiristik qurylys-paıdalaný birlestiginiń óndiristik-tehnologııalyq jınaqtaý basqarmasynyń ınjeneri, bólim bastyǵy. 1991-1992 jyldary - Jańaarqa aýdany Atasý kentiniń «Irtyshkanalstroı» tresiniń óndiristik-tehnologııalyq jınaqtaý basqarmasynyń bas ınjeneri, materıaldyq-tehnıkalyq qamtamasyz etý bóliminiń bastyǵy, trest basqarýshysynyń orynbasary. 1992-1994 jyldary - Jańaarqa aýdany Atasý kentiniń «ÝPTK» ujymdyq kásipornynyń tóraǵasy. 1994-1996 jyldary - Jańaarqa aýdandyq ákimshilik basshysynyń orynbasary. 1996-1997 jyldary - Jańaarqa aýdany ákiminiń birinshi orynbasary. 1997-2007 jyldary - Jańaarqa aýdanynyń ákimi. 2007-2011 jyldary - Nura aýdanynyń ákimi. 2011-2013 jyldary - Qaraǵandy oblysynyń tabıǵı resýrstar jáne tabıǵat paıdalanýdy retteý basqarmasynyń bastyǵy. 2013-2014 jyldary - Jezqazǵan qalasynyń ákimi. 2014-2017 jyldary - Abaı aýdanynyń ákimi. 2017 jylǵy maýsymnan bastap - Qaraǵandy oblysy ákiminiń AÓK jáne aýyl sharýashylyǵy máseleleri jónindegi orynbasary bolyp taǵaıyndaldy. «Qurmet» Ordenimen marapattalǵan.
43 jyl buryn (1976) «Qazaqstan temir joly» Ulttyq kompanııasy» AQ atqarýshy dırektory - «Jolaýshylar tasymaly» AQ prezıdenti Arman Turlyhanuly SULTANOV dúnıege keldi.
1996 jyly Ál-Farabı atyndaǵy Qazaq memlekettik ulttyq ýnıversıtetiniń fızıka fakýltetin; 2008-2010 jyldary Qazaq jol qatynastary ýnıversıteti, ekonomıka fakýltetin; 2014-2016 jyldary Qazaq Kólik jáne kommýnıkatsııa akademııasy AQ, logıstıka fakýltetin; 2016 jyly Cambridge International Centre (Great Britain) bitirdi.
1999-2000 jyldary- «AES-MARCHE» JShS jalpy máseleler jónindegi menedjer, dırektordyń jalpy máseleler jónindegi orynbasary, 2000-2001 jyldary- «Astanaenergoservıs» AAQ marketıng jáne qoǵammen baılanys bóliminiń bastyǵy, 2001-2002 jyldary - «Kazahoıl prodakts» AQ Astana fılıaly, munaı ónimderin iske asyrý marketıngi jónindegi menedjeri, 2002-2008 jyldary - «Kaztransservıs» AQ marketıng bóliminiń sarapshysy, damý jáne marketıng bóliminiń bastyǵy, kólik-ekspedıtsııalyq qyzmet kórsetý basqarmasynyń bastyǵy, marketıng jáne satý basqarmasynyń bastyǵy, atqarýshy dırektor, 2008-2010 jyldary - «QTJ» UK» AQ Tasymaldar marketıngi departamentiniń dırektory, 2010-2012 jyldary - «QTJ» UK» AQ Jolaýshylar tasymaly jónindegi basqarýshy dırektor, 2012-2014 jyldary - «Kaztransservıs» AQ Prezıdenti, 2015-2016 jyldary «QTJ» UK» AQ logıstıka jónindegi basqarýshy dırektory, 2016 jylǵy jeltoqsan men 2017 jylǵy qarasha aralyǵynda - «Qazaqstan temir joly» UK» AQ damý jónindegi vıtse-prezıdenti bolǵan. 2017 jylǵy qarashadan bastap qazirgi qyzmetinde.