3 naýryz kúni Qazaqstannyń soltústik óńirleriniń basym bóliginde tuman túsedi
ASTANA. QazAqparat - Búgin Qazaqstannyń barlyq aımaqtary antıtsıklonnyń yqpalynda bolyp, jaýyn-shashynsyz aýa-raıy saqtalady, dep habarlaıdy QR ІІM TJK baspasóz qyzmeti.
Batys Qazaqstan, Atyraý, Mańǵystaý, Aqmola, Soltústik Qazaqstan, Qostanaı, Pavlodar, Shyǵys Qazaqstan, Qaraǵandy oblystarynda túnde jáne tańerteń keı jerlerinde tuman túsedi dep kútiledi.
Jambyl oblysynyń keı jerlerinde tuman bolady, túnde jáne tańerteń jel 15-20 m/s-ǵa deıin kúsheıedi.
Almaty oblysynyń Jalańashkól aımaǵynda jel soǵady, jyldamdyǵy 30 m/s-ǵa deıin jetedi.
