3 naýryz kúni elimizge 356 Qazaqstan azamaty PTR anyqtamasyz keldi
NUR-SULTAN. QazAqparat - 2021 jylǵy 3 naýryzynda Qazaqstan aýmaǵyna Germanııa, Ulybrıtanııa, Koreıa, BAÁ, Egıpet, Túrkııa, Reseı, Belarýs, Ózbekstan jáne Qyrǵyzstannan 20 halyqaralyq áýe reısi keldi.
2 302 áýe jolaýshynyń ishinde PTR-testileýdiń teris nátıjesi bar anyqtamamen 1 946 adam, anyqtamasyz 356 QR azamaty keldi, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Onyń ishinde:
Almaty qalasynyń áýejaıyna – 9 reıs, 1 519 jolaýshy, anyqtamamen - 1 484, anyqtamasyz - 35;
Nur-Sultan qalasynyń áýejaıyna – 4 reıs, 543 jolaýshy, anyqtamamen - 300; anyqtamasyz - 243;
Aqtaý qalasynyń áýejaıyna – 1 reıs, 1 jolaýshy anyqtamamen kelgen;
Atyraý qalasynyń áýejaıyna – 1 reıs, barlyq 101 jolaýshy anyqtamamen kelgen;
Oral qalasynyń áýejaıyna – 1 reıs, 138 jolaýshy, anyqtamamen - 60; anyqtamasyz – 78.
Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.
2021 jyldyń 2 naýryzynda shetelden anyqtamasyz kelgen Qazaqstan azamattarynyń PTR taldaýlarynyń nátıjeleri boıynsha anyqtamasyz kelgen barlyq 246 QR azamatynyń PTR-taldaýlary teris nátıje kórsetti.
