3 naýryz kúni aýa raıy qandaı bolady
NUR-SULTAN. QazAqparat - «Qazgıdromet» RMK mamandary 3 naýryzda aýa raıy qandaı bolatynyn aıtty, dep habarlaıdy QazAqparat.
Qazaqstan aýmaǵynyń basym bóligi antıtsıklon yqpalynda bolady. Osyǵan baılanysty jaýyn-shashynsyz aýa raıy kútiledi. Tek elimizdiń soltústik, shyǵys jáne ońtústik aımaqtary tsıklon yqpalynda bolǵandyqtan, keı jerlerde jaýyn-shashyn (jańbyr, qar) jaýady.
Respýblıkanyń keı jerlerinde tuman túsip, kóktaıǵaq bolady. Jel kúsheıedi. Respýblıkanyń ortalyǵy men shyǵysynda jaıaý burqasyn soǵady.
Pavlodar, Qaraǵandy oblystarynyń keı jerlerinde tuman túsedi. Kóktaıǵaq bolady. Jaıaý burqasyn kóterilip, jel ekpini 15-20 m/s deıin kúsheıedi.
Shyǵys Qazaqstan oblysynyń keı jerlerinde kóktaıǵaq, jaıaý burqasyn bolady. Jel qarqyny - 15-20 m/s.
Aqmola, Jambyl, Túrkistan, Soltústik Qazaqstan oblystarynyń keı jerlerinde tuman túsedi, kúndiz keı jerde jel sekýndyna 15-20 metr jyldamdyqpen soǵady.
Qyzylorda oblysynyń keı jerlerinde tuman túsedi, jel ekpini 15-20 m/s deıin kúsheıedi.
Batys Qazaqstan, Aqtóbe, Qostanaı oblystarynyń keı jerlerinde tuman túsedi.
Túnde Almaty oblysynyń Jalańashkól aýdanynda jel 15-20 m/s jetedi.
