3 myńnan astam muǵalim biliktiligin kóterdi
ASTANA. 2 qyrkúıek. QazAqparat - Qazaqstanda shamamen 3 myńnan astam muǵalim «Nazarbaev Zııatkerlik mektebiniń» Pedagogıkalyq sheberlik ortalyǵynyń bazasynda úshinshi deńgeıdegi biliktilikti kóterý kýrsynan ótti, dep habarlaıdy pm.kz saıty QR Bilim jáne ǵylym mınıstrliginiń baspasóz qyzmetine silteme jasap.
«Qazirgi kezde úshinshi deńgeıdegi biliktilikti kóterý kýrsynan 236 jattyqtyrýshy men 3043 muǵalim ótti», - delingen vedomstvo habarlamasynda.
Atalǵan kýrs jalpy bilim beretin mektepter muǵalimderiniń biliktiligin kóterýdiń aýdıtorııalyq jáne alystan oqytý ádisimen úsh kezeńde júrgiziletin Úsh deńgeıli Baǵdarlamasynyń bir bóligi bolyp tabylady.
Ár kezeń bir aıǵa sozylady, birinshisinde oqytý kózdelse, ekinshisinde muǵalimder júrgizgen sabaqtaryn beıne kameraǵa jaza otyryp, jańa ádistemeni ıgerý jónindegi alǵan bilimderin is júzinde synaqtan ótkizedi. Úshinshi kezeńde ıgerilgen materıaldy basqalarǵa tanystyrady.
Biliktilikti kóterý kýrsynan bes jyl ishinde 120 myń muǵalim ótedi dep josparlanýda. Jańa biliktilik sanattaryna baılanysty pedagogter eńbekaqylarynyń 30-dan 100% deıingi kóleminde ústeme aqy alady. Sonymen qatar, orta mektepterdiń dırektorlyq korpýsynyń sapasyn arttyrý jóninde de sharalar qoldanylýda.
