3 myńnan astam qazaqstandyq qutqarýshy jańa jyl túni kezekshilikte bolady

ASTANA. QazAqparat - 3 myńnan astam qutqarýshy jańa jyl túni kezekshilikke shyǵady. Bul týraly QR Tótenshe jaǵdaılar mınıstrliginen málim etti, dep habarlaıdy QazAqparat.

«TJM bólimsheleri jańajyldyq mereke kúnderi qyzmet ótkerýdiń kúsheıtilgen túrine aýystyryldy», - delingen vedomstvo habarlamasynda.

Aqparatqa sáıkes, Tótenshe jaǵdaılar mınıstrliginiń búkil qutqarý korpýsy kúsheıtilgen rejımde daıyndyqta tur. Onyń ishinde 3 myńnan astamy jedel den qoıýǵa ázirlikke keltirilip, qyzmet atqarýda. Bul – órt sóndirý jáne avarııalyq-qutqarý jumystarynyń órt sóndirýshileri, jedel-qutqarý jasaqtarynyń qutqarýshylary, TJM áskerı bólimderiniń áskerı qyzmetshileri, qutqarý avıatsııasynyń ushý quramy, seısmologtar, psıhologııalyq qyzmetterdiń ókilderi, dıspetcherlik qyzmetterdiń jedel kezekshileri.

Sonymen qatar shamamen 1 200 birlik qutqarý tehnıkasy jedel den qoıýǵa daıyndyqta tur.

«TJM azamattardy jańa jyldyq mereke kúnderi qaýipsizdik sharalaryn saqtaýǵa keńes beredi. Qajet bolǵan jaǵdaıda 112 nómirine qońyraý shalyńyz», - dedi mınıstrlikten.

Foto: gov.kz