3 myńǵa jýyq aýyl sharýashylyǵy jeri memleket menshigine qaıtarylady

ASTANA. QazAqparat - 3 myńǵa jýyq aýyl sharýashylyǵy maqsatyndaǵy jer memleket menshigine qaıtarylady. Bul týraly Ortalyq kommýnıkatsııalar qyzmetindegi brıfıngte QR Aýyl sharýashylyǵy Jer resýrstaryn basqarý komıteti tóraǵasynyń mindetin atqarýshy Gúljahan Bımendına málim etti, dep habarlaıdy QazAqparat.

Ol Jer kodeksine engizilýi josparlanyp otyrǵan ózgerister men osy baǵytta qolǵa alynǵan sharalardyń barysy jáne jeke turǵyn úı qurylysy úshin 10 sotyq jer telimin berý máselesine aıryqsha toqtalyp ótti.

«El azamattaryn 10 sotyq jer telimimen qamtamasyz etýdegi basty máselelerdiń biri  eldi mekender aýmaǵynda bos jerlerdiń bolmaýy. Al buǵan deıin qamtylǵan jerlerdi alý máselesi aǵymdaǵy zańnamada qarastyrylmaǵan. Osy rette, jańa zańnamada halyq suranysyna sáıkes jeke turǵyn úı qurylysy úshin jer telimderin memlekettik qajettilikke jatqyzý qarastyrylýda», -  dep atap ótti Bımendına.

Sonymen qatar, ol aýyl sharýashylyǵy maqsatyndaǵy jerlerdi paıdalanýdyń zańdylyǵyn tekserý barysynda 3 myńǵa jýyq zań buzýshylyqtardyń anyqtalǵanyn jáne olardyń memleketke qaıtarylatynyn aıtty.