3 myńǵa jýyq astanalyq salyq qaryzyna baılanysty shetelge shyǵa almaıdy
«2018 jyldyń 1 shildesindegi jaǵdaı boıynsha, bıýdjetke salyq túrinde 643,6 mln teńge qaryz Astananyń 2093 azamatyna qatysty materıaldar májbúrli tóletý úshin sot oryndaýshylaryna jiberildi», - delingen habarlamada.
Departament jeke tulǵalar salyq qaryzyn ótemegen jaǵdaıda, ony májbúrli túrde oryndatý úshin atqarýshylyq óndiris organdaryna buıryq jiberiletinin atap ótti. Bul jaǵdaıda bank esepshottary buǵattalyp, jyljıtyn jáne jyljymaıtyn múlikterge tyıym salynatyn bolady.
Atap ótilgendeı, búginde qaryzdy tóletýdiń eń tıimdi joldarynyń biri el aýmaǵynan shyǵýǵa tyıym salý bolyp otyr.
«Atqarýshylyq is júrgizý jáne sot oryndaýshylarynyń mártebesi týraly» QR Zańynyń 33-babyna sáıkes, boryshker bolyp tabylatyn jeke tulǵa merzimdik tólemderdi óndirip alý týraly atqarýshylyq qujat talabyn úsh aıdan astam ýaqyt boıy oryndamasa, sot oryndaýshy onyń respýblıka aýmaǵynan shyǵýyna shekteý qoıa alady. Árbir adam Memlekettik kirister komıtetiniń saıtynda ózin boryshkerler tiziminen teksere alady nemese Astana aýdandarynyń memlekettik kirister basqarmalaryna júginýge bolady. Saparǵa shyǵar aldynda keleńsizdikke tap bolmaý úshin astanalyq departament múlikke, jerge jáne kólikke salynatyn salyq qaryzdy óteýge keńes beredi.
