3 myń jyl buryn jasalǵan kúıme tabyldy
ASTANA. QazAqparat - Qytaıda kóne eki dońǵalaqty kúıme tabyldy. Ol osydan úsh myń jyl buryn jasalǵan degen derek bar.
Ǵalymdardyń aıtýynsha, arba jerleý rásim kezinde qaıtys bolǵan adamdarmen birge kómilgen, dep habarlaıdy egemen.kz. Burynǵy kezde marqumdarmen birge olardyń súıikti zattary da kómiletin bolǵany belgili. Osy arbany kórgen adamdardyń aıtýynsha, ol lakpen boıalyp, jaqsy saqtalǵan. Sonymen birge qazba jumystary kezinde arbanyń janynan jylqy men qoılardyń súıekteri de tabylǵan. Shensı Dın ıAnıa provıntsııasy arheologııalyq ınstıtýtynyń qyzmetkerleri qundy jádigerdi Batys Chjoý dınastııasynyń kezinde jasalǵan degen boljam jasaýda.
