3 myń eriktige QazCovid-in vaktsınasy salynady

JAMBYL OBLYSY. QazAqparat – Búgingi tańda ǴZI otandyq QazCovid-in vaktsınasyn klınıkalyq synaýdyń I jáne II fazalaryn júrgizdi. Bul týraly QR Premer-Mınıstri Asqar Mamın Jambyl oblysy Qordaı aýdanynyń Gvardeıskıı kentindegi QR BǴM Bıologııalyq qaýipsizdik problemalary ǵylymı-zertteý ınstıtýtyna (ǴZI) barǵan kezde aıtyldy, dep habarlaıdy QazAqparat.

Búgingi tańda ǴZI otandyq QazCovid-in vaktsınasyn klınıkalyq synaýdyń I jáne II fazalaryn júrgizdi. Zertteýdiń aldyn ala nátıjeleri vaktsınanyń joǵary qaýipsizdigin, ımmýnogendiligin jáne tıimdiligin 96% deńgeıinde kórsetti.

Densaýlyq saqtaý mınıstrligi úsh myń eriktige klınıkalyq zertteýlerdiń qorytyndy III kezeńiniń bastalýyn maquldady. Búginde alǵashqy eriktiler Almaty jáne Taraz qalalarynyń klınıkalarynda, ǴZI-da otandyq vaktsınamen egildi.

Eske salaıyq, 4 jeltoqsan kúni Premer-Mınıstr Prezıdentke klınıkalyq synaqtyń 1 jáne 2-kezeńi aıaqtalǵanyn málimdedi.

Sonymen qatar, otandyq vaktsınanyń tıimdiligi - 96 paıyz ekendigi de aıtyldy.

Aldyn ala boljamǵa sáıkes, Qazaqstanda koronavırýsqa qarsy vaktsına 65 jastan asqan, júrek-qan tamyry aýrýy, qant dıabeti jáne sozylmaly ókpe aýrýlary bar táýekel tobyna kiretin adamdarǵa jáne medıtsına qyzmetkerlerine salynatyn bolady. Vaktsına alatyndardyń boljamdy sany 2 347 000 adamdy quraıdy.

Densaýlyq saqtaý mınıstrligi vaktsınalaý - ınfektsııalyq aýrýlardan qorǵanýdyń tıimdi ádisi ekenin jetkizdi. Qazaqstandyq ǵalymdar 7 vaktsına daıyndaý tehnologııasyn jasady. Koronavırýsqa qarsy vaktsına salynatyn táýekel tobyndaǵy adamdar aıqyndaldy. Sonymen qatar, elimizde koronavırýsqa qarsy vaktsına alatyn adamdar kontıngenti keńeıtiledi.

Qazaqstanda koronavırýsqa qarsy vaktsına baǵasy qansha bolýy múmkin ekeni de aıtyldy.