3 myń erikti COVID-19 indetine qarsy ázirlengen otandyq vaktsınany synamaq

NUR-SULTAN. QazAqparat - 3 myń qazaqstandyq erikti COVID-19 indetine qarsy ázirlengen otandyq vaktsınany synamaq. Bul týraly QR Bilim jáne ǵylym mınıstrligi Ǵylym komıteti Bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarıa málim etti, dep habarlaıdy QazAqparat tilshisi.

«Qazirgi málimetter boıynsha COVID-19 indetine qarsy ázirlengen otandyq vaktsına (QazCovid-in) sheteldik mamandar ázirlegen vaktsınadan kem túspeıdi. Aldaǵy 29 qarashada klınıkalyq zertteýdiń 2-shi kezeńi aıaqtalady. Zertteý 200 erikti adamǵa júrgizilip jatyr. Jeltoqsan aıynda elimiz boıynsha taǵy 3 myń eriktige klınıkalyq zertteý júrgizýdi josparlap otyrmyz. Odan bólek, elimizde koronavırýs indetine qarsy taǵy da basqa vaktsına ázirleý jarııalandy. Biraq oǵan bizdiń qatysymyz joq. Bizdegi málimetter boıynsha ol vaktsına sheteldik mamandardyń qatysýymen ázirlenýde. Sondyqtanda ony 100 paıyz otandyq vaktsına deý qıynǵa soǵady», - dedi K. Zakarıa QR Bilim jáne ǵylym mınıstrligi Ǵylymı komıtetiniń «GYLYM TALKS» atty onlaın jobasynda.