3 myń aýyldyń turǵyndary jyljymaly dárihanalar arqyly dári-dármektermen qamtamasyz etildi
ASTANA. 9 tamyz. QazAqparat - Dárihanalary joq 3 myńnan astam eldi mekenniń turǵyndary jyljymaly dárihanalar jáne bastapqy medıtsına-sanıtarlyq járdem nysandary arqyly dári-dármektermen qamtamasyz etildi, dep habarlady Densaýlyq saqtaý mınıstrliginiń baspasóz qyzmetinen pm.kz saıtyna.
«3 myń aýyldyń turǵyndaryna jyljymaly dárihana pýnktteri men bastapqy medıtsınalyq-sanıtarlyq járdem nysandary arqyly dárilik zattarmen qamtamasyz etildi», - delingen vedomstvo habarlamasynda.
Oǵan qosa, zeınetkerlerge, múgedekterge jáne turmysy tómen azamattarǵa 2012 jyldan bastap dári-dármekter tegin berilýde. Jáne bıyldan bastap skleroz, balalar gemofılııasy, onkogematologııa, onkologııa sııaqty aýrýlarǵa qajetti qymbat dári-dármekter respýblıkalyq bıýdjettiń esebinen satyp alynady.
Bıyl sondaı-aq, ambýlatorııalyq naýqastardy dárilermen qamtamasyz etýge jergilikti bıýdjetterden 23 mlrd. astam teńge, respýblıkalyq bıýdjetten 28 mlrd.-qa jýyq teńge bólinip otyr.
«Bul sharalar barlyq turǵyndardyń sapaly dárilik zattarǵa qoljetimdiligin qamtamasyz etýge jáne qarjy resýrstaryn tıimdi jumsaýǵa baǵyttalyp otyr»,- delingen vedomstvo habarlamasynda.
Esterińizge sala keteıik, 2012 jyldyń 1 qańtarynan bastap Ambýlatorııalyq deńgeıde tegin medıtsınalyq kómektiń kepildik berilgen kólemi sheńberinde halyqqa tegin jáne jeńildikpen qamtamasyz etýge arnalǵan dárilik zattar jáne medıtsınalyq maqsattaǵy buıymdardyń tizbesi kúshine endi. Bul tizbege 37 nozologııa kiredi.
Halyqtyń sapaly dárilik zattarǵa qoljetimdiligin arttyrý úshin «Salamatty Qazaqstan» baǵdarlamasy boıynsha ambýlatorlyq dárilik qamtý júıesin jetildirý, tegin beriletin dárilik zattarǵa degen halyqtyń qoljetimdiligin arttyrý (ásirese aýyldyq jerlerde) qarastyrylyp otyr.
