3 mlrd teńgege jalǵan shot-faktýra jazyp bergen QR azamaty anyqtaldy

NUR-SULTAN. QazAqparat - Shymkentte 3 mlrd teńgege jalǵan shot-faktýralar jazyp bergen azamat anyqtaldy, dep habarlaıdy QazAqparat.

«QR Qarjy monıtorıngi agenttigi Shymkent qalasy boıynsha aýmaqtyq departamenti jalǵan shot-faktýralardy jazyp berýmen aınalysqan azamatty áshkereledi.

Qylmystyq pıǵyldy iske asyrý úshin 6 kompanııa qurylǵan. Olardyń jalpy aınalymy 2019-2021 jyldar aralyǵynda 3 mıllıard teńgeden asty. Saldarynan memleket bıýdjetine salyq túrinde 1 mıllıard teńgeden astam soma túspegen.

Qylmystyq isti tergeý aıaqtalyp, sotqa jiberildi», - delingen QR Qarjy monıtorıngi agenttiginiń málimetinde.