3 mlrd teńgege salynǵan aty shýly mektep 1 qyrkúıekte oqýshy qabyldaıdy – ákimdik

NUR-SULTAN. QazAqparat – QR Oqý-aǵartý mınıstrliginiń baspasóz qyzmeti Almaty oblysynyń Talǵar aýdanyndaǵy atyshýly mekteptiń taǵdyryna baılanysty túsinikteme berdi, dep habarlaıdy QazAqparat tilshisi.

QazAqparat saýalyna joldaǵan jaýapta mınıstrlik mamandary atalǵan bilim oshaǵyna bılik ókilderi baryp, sholý júrgizgeni aıtylǵan. Sholý jasaǵandar shatyrdan sý aǵyp, tóbeniń isinip ketýi, árleý materıaldarynyń qabyrshyqtalyp túsýi nóser jańbyrdyń kesirinen bolǵan degen qorytyndyǵa kelgen. Mektep salýǵa aqsha bólý jáne ony qoldanysqa qabyldap alý jergilikti ákimdiktiń quzyryndaǵy sharýa ekeni de aıtylǵan.

Al Almaty oblysynyń Bilim basqarmasy mektep ǵımaratynyń tek bir korpýsynda ǵana qabyrǵa shytynaǵanyn alǵa tartady. Ololqylyqty joıýúshin aqaý shyqqa bólikti buzyp, qaıta salý jumystary júrip jatqan kórinedi.

«BI Global» JShS mamandary tekserý júrgizdi. Aqaýlardy anyqtap, qosymsha materıal ákep, kemshilikterditúzetý jumystary bastalyp ketti. Abattandyrý jumystaryndaǵy jáne shatyrdaǵy kemshilikter 18 tamyzǵa deıin joıylady. Kıim aýystyratyn bóliktegi aqaýlar 25 tamyzǵa deıin túzetiledi. 1 qyrúıekte mektep oqýshylardy qabyldap, sabaq bastaıdy», - dep jazylǵan Almaty oblysy Bilim basqarmasynyń baspasóz qyzmeti usynǵan aqparatta.