3 mlrd teńgeden astam zalal keltirgen: Mamandandyrylǵan HQKO qyzmetkeri qamaýǵa alyndy
ASTANA. KAZINFORM – Qarjylyq monıtorıng agenttigi aqparattyq júıege kórineý jalǵan aqparatty engizý arqyly júk kólikterin zańsyz tirkeý mán-jaıy boıynsha sotqa deıingi tergep-tekserýdi bastady.
Tergeý barysynda 2022 jyldyń naýryz aıy men qyrkúıek aılarynyń aralyǵynda Qonaev qalasy «Azamattarǵa arnalǵan úkimet memlekettik korporatsııasy» KEAQ mamandandyrylǵan HQKO qyzmetkeri 413 júk kóliginiń bastapqy tirkeýin júrgizý barysynda kólik quraldarynyń sanatyna qatysty aqparattyq júıege kórineý jalǵan aqparat engizgen.
Nátıjesinde memlekettik bıýdjetke 3 mlrd 156 mln teńge kóleminde kólik quraldaryn bastapqy tirkeý alymy túspegen.
Atalǵan azamatqa qatysty sotpen kúzetpen ustaý túrindegi bultartpaý sharasy qoldanyldy.
Tergep-tekserý jalǵasyp jatyr. Ózge aqparat QR QPK 201-babyna sáıkes jarııalaýǵa jatpaıdy.
Sondaı-aq, agenttik ekonomıkalyq quqyqbuzýshylyqtar jaıly «AFM Insider» telegramm boty arqyly habarlaý múmkindigi baryn eske salady.
