3 mln qazaqstandyq MÁMS júıesinde saqtandyrylmaǵan

ASTANA. QazAqparat – Ortalyq kommýnıkatsııalar qyzmetinde ótken brıfıngide Densaýlyq saqtaý vıtse-mınıstri Tımýr Sultanǵazıev densaýlyq saqtaý salasyndaǵy ózekti máseleler týraly aıtty, dep habarlaıdy QazAqparat tilshisi.

«Densaýlyq saqtaý salasynda qarjylandyrý jetkiliksiz. Qarajat tapshylyǵynyń sebepteri aıqyn. Birinshisi – medıtsınalyq qyzmetterdi tutynýdyń ósýi kóbinese medıtsınalyq-demografııalyq kórsetkishtermen baılanysty. Ekinshisi - medıtsınalyq taýarlarǵa, sonyń ishinde dári-dármekterge, medıtsınalyq buıymdarǵa, shyǵyn materıaldaryna ınflıatsııanyń ósýi. Úshinshisi - biz medıtsına qyzmetkerleriniń jalaqysyn kóterdik jáne bul óz kezeginde medıtsınalyq kómekke tarıftiń qurylymynda basym bóligi bolyp tabylady», - dep másele kóterdi Tımýr Sultanǵazıev.

Ol usynǵan derekke saı, damyǵan elderde densaýlyq saqtaý salasyna baǵyttalǵan shyǵyndar jalpy ishki ónimniń 10,2 paıyzyna teń.

«Dúnıejúzilik densaýlyq saqtaý uıymy ekonomıkasy damýshy elderde densaýlyq saqtaý júıeleriniń turaqtylyǵy úshin JІÓ-niń 5%-dan 8%-ǵa deıin densaýlyq saqtaýǵa jiberýdi usynady. Bul másele tarıfterdiń naqty medıtsınalyq shyǵyndarǵa sáıkes kelmeýinen týyndaıdy. Bizdiń elde MÁMS jarnalary men aýdarymdarynyń paıyzdyq mólsherlemeleri Cheh Respýblıkasy, Slovakııa, Moldova jáne Lıtva sııaqty keıbir elderge qaraǵanda aıtarlyqtaı tómen», - deıdi vıtse-mınıstr.

Tımýr Sultanǵazıev atap ótkendeı, qazir 3 mıllıonnan astam qazaqstandyq MÁMS júıesinde saqtandyrylmaǵan.