3 mln azamat nesıe alýdan óz erkimen bas tartty

ASTANA. KAZINFORM – Bul qyzmet eń aldymen alaıaqtardan saqtanýdyń senimdi tetigi. Kez kelgen Qazaqstan azamaty Egov mobile qosymshasyna kirip, óz erkimen nesıe rásimdeýge tyıym sala alady. Bul týraly Jibek joly telearnasynyń jańalyqtar qyzmetinde aıtty. 

Egov mobile qosymshasyndaǵy «Stop kredıt» qyzmetiniń iske qosylǵanyna bir jyldan asty.

Osy aralyqta úsh mıllıonnan astam otandasymyz nesıe alýdan óz erkimen bas tartqan.

Bul qyzmet eń aldymen alaıaqtardan saqtanýdyń senimdi tetigi. Kez kelgen Qazaqstan azamaty Egov mobile qosymshasyna kirip, óz erkimen nesıe rásimdeýge tyıym sala alady.

Bul shekteýdi qalaǵan ýaqytynda alyp tastaı alady.

Eger «bas tartý» batyrmasyn basqannyń ózinde, alaıaqtar amalyn taýyp sizdiń atyńyzdan kredıt alǵan bolsa, bankter bul nesıeni sotsyz jáne tergeýsiz esepten shyǵarýǵa mindettedi.

Eske salsaq elde tutyný nesıesin berý erejeleri kúsheıetini týraly jazǵan edik.