3 myńnan astam mektepte tekserý júrgiziledi

ASTANA. KAZINFORM – Oqý-aǵartý mınıstrliginiń Bilim salasynda sapany qamtamasyz etý komıteti 2025 jyly memlekettik attestatsııadan ótetin 3025 bilim berý uıymyn aıqyndady.

Mınıstrlik málimetinshe, bıyl birinshi jartyjyldyqta bilim berý salasyndaǵy sapany qamtamasyz etý jónindegi aýmaqtyq departamentter 1170 bilim berý uıymynda memlekettik attestatsııa júrgizdi.

Іs-sharalar bilim berý protsesindegi problemalardy anyqtaýǵa, bilim berý protsesiniń memlekettik jalpyǵa mindetti bilim berý standartynyń jáne biliktilik talaptaryna sáıkestigin aıqyndaýǵa baǵyttalǵan.

- Ótken jyly Komıtet pen onyń aýmaqtyq departamentteri 2487 bilim berý uıymynda túrli tekserý júrgizdi, onyń ishinde memlekettik attestattaý, profılaktıkalyq baqylaý, shaǵymdar boıynsha jospardan tys tekserýler júrgizildi. Tekserý nátıjesinde muǵalimderdiń biliktiligin arttyrý kýrstarynyń ýaqstyly aıaqtalmaýy, mektepterdiń materıaldyq-tehnıkalyq bazasynyń talapqa saı qamtamasyz etilmeýi faktileri anyqtaldy, - dep atap ótti Bilim salasynda sapany qamtamasyz etý komıtetiniń tóraǵasy Serik Áshirov.

Aıta ketý kerek, baqylaý is-sharalaryn júrgizý bilim berý salasynda kórsetiletin qyzmetterdiń sapasyn, onyń ishinde pedagogterdiń quqyqtaryn qorǵaýdy qamtamasyz etedi.

Buǵan deıin Almatydaǵy mektep ashanasynda sanıtarlyq normalar saqtalmaǵanyn jazǵan bolatynbyz.

Eń kóp mektep qaı óńirde salynǵany belgili boldy.