3 myńnan asa astanalyq kásipker «Halyq býhgalteri» aktsııasy aıasynda tegin keńes aldy
ASTANA. KAZINFORM — Astanada «Halyq býhgalteri» aktsııasy ótip jatyr. Onyń aıasynda qala turǵyndary salyq jáne býhgalterlik esepke qatysty suraqtaryna jan-jaqty jaýap ala alady, dep habarlaıdy elorda ákimdiginiń resmı saıty.
Astana qalasy boıynsha Memlekettik kirister departamenti málimetinshe, aktsııa jeke kásipkerler men shaǵyn bıznes sýbektilerine salyq jáne býhgalterlik esep máseleleri boıynsha tegin keńes berýge baǵyttalǵan.
Joba 2026 jyldyń qańtar aıynda bastalǵan. Búginge deıin memlekettik kirister organdarynyń mamandary men kásibı býhgalterler 3 myńnan astam astanalyqqa konsýltatsııa berdi.
Mamandardyń aıtýynsha, aktsııa kásipkerlerdiń salyqtyq saýattylyǵyn arttyrýǵa jáne salyq salý máselelerin der kezinde sheshýge múmkindik beredi.
— Qańtar-aqpan aılarynda keńester aptasyna úsh ret ótkizilse, naýryz aıynan bastap aptasyna eki ret uıymdastyrylyp keledi. Keńes berý oryndarynyń mekenjaılary vedomstvonyń Instagram jelisindegi resmı paraqshasynda jarııalanǵan — @astana_mkd_dgd_astana. Aktsııa 2026 jyldyń 30 maýsymyna deıin jalǵasady, — delingen habarlamada.
Osydan buryn Abaı oblysynda kásipkerlik úshin nesıe rásimdep berem degen alaıaq ustalǵany belgili boldy.