3 memleketten ushyp kelgen qazaqstandyqtardan koronavırýs anyqtaldy

NUR-SULTAN. QazAqparat - 17 naýryz kúni Qazaqstan aýmaǵyna Germanııa, Ońtústik Koreıa, BAÁ, Mysyr, Túrkııa, Reseı, Belarýs, Ózbekstan jáne Qyrǵyzstannan 28 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etkendeı, bir táýlikte elimizge 3 372 jolaýshy ushyp keldi. Onyń 2 985-inde koronavırýsqa PTR-testileýdiń teris nátıjesi bar anyqtama bolǵan. Qalǵan 387-si anyqtamasyz kelgen, barlyǵy – QR azamattary.

Atap aıtqanda:

- Almaty qalasynyń áýejaıyna – 14 reıs, 1 736 jolaýshy, anyqtamamen – 1 544, anyqtamasyz - 192;

- Nur-Sultan qalasynyń áýejaıyna – 5 reıs, 460 jolaýshy, anyqtamamen – 299, anyqtamasyz - 161;

- Shymkent qalasynyń áýejaıyna – 4 reıs, barlyq 616 jolaýshy anyqtamamen kelgen;

- Aqtaý qalasynyń áýejaıyna – 3 reıs, 434 jolaýshy, anyqtamamen – 400, anyqtamasyz - 34;

- Atyraý qalasynyń áýejaıyna – 1 reıs, barlyq 120 jolaýshy anyqtamamen kelgen;

- Taraz qalasynyń áýejaıyna – 1 reıs, barlyq 6 jolaýshy anyqtamamen kelgen.

Anyqtamasy bolmaǵane Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.

Sondaı-aq habarlaǵnadaı, 16 naýryzda koronavırýsqa PTR-anyqtamasyz ushyp kelgen Qazaqstannyń 211 azamatynyń test nátıjesi daıyn bolǵan. Olarǵa sáıkes, «Dýbaı – Almaty» reısiniń – 2, «Seýl – Almaty» reısiniń – 1, «Antalııa – Almaty» reısiniń – 1, «Ras-el-Haıma – Aqtaý» reısiniń 1 jolaýshysynan koronavırýs anyqtaldy.