3 maýsym. Kazinform kúntizbesi. Tulǵalar týǵan kún
Búgin, 3 maýsym kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
48 jyl buryn (1978) Qazaqstan Respýblıkasy Bas prokýrorynyń orynbasary Ǵabıt Amangeldiuly SADYRBEKOV dúnıege keldi.
Aqmola oblysynda týǵan. 1999 jyly Abaı atyndaǵy Almaty memlekettik ýnıversıtetin bitirgen.
Eńbek joly: 2001 jyly Astana qalasy prokýratýrasynyń basqarma bastyǵynyń orynbasary qyzmetinde boldy. Keıin Bas prokýratýranyń bólim bastyǵy; Bas prokýratýranyń basqarma bastyǵy; Bas prokýratýranyń departament bastyǵy; Bas prokýratýranyń janyndaǵy Quqyq qorǵaý organdary akademııasy ınstıtýtynyń dırektory; Almaty qalasy Alataý aýdanynyń prokýrory; QR Prezıdenti Ákimshiliginiń Quqyq qorǵaý jáne sot júıesi bóliminde jumys istedi; «Qazkommertsbank» AQ bas bankiniń problemalyq qaryzdarmen jumys jónindegi departamenti dırektorynyń orynbasary; «Kazkommertsbank» AQ Almaty fılıaly dırektorynyń portfel sapasyn basqarý jónindegi orynbasary; «Bank RBK» AQ problemalyq qaryzdarmen jumys jónindegi departamentiniń dırektory; «Tsesnabank» AQ Basqarýshy dırektory; 2020-2021 jyldary «Tengri Bank» AQ basqarma tóraǵasynyń orynbasary, basqarma múshesi, 2021-2022 jyldary QR Qarjy monıtorıngi agenttiginiń apparat basshysy, 2022-2023 jyldary QR Qarjy monıtorıngi agenttigi tóraǵasynyń birinshi orynbasary laýazymyn atqarǵan.
2023 jyldyń qazan aıynan bastap qazirgi qyzmetinde.
46 jyl buryn (1980) Qarmet Corporation kompanııasynyń Ekologııa jáne jerdi paıdalaný máseleleri jónindegi ýákili Ermek Qasymǵalıuly ÝMAROV dúnıege keldi.
Aqtóbe oblysy Aqtóbe qalasynda týǵan. 2001 jyly QR ІІM Akademııasyn (óndiristi uıymdastyrý boıynsha ınjener), 2006 jyly Q.Sátbaev atyndaǵy qazaq Ulttyq ýnıversıtetin (taý ınjeneri-munaıshy), 2009 jyly Bıznes halyqaralyq akademııasyn (magıstr), 2013 jyly York University joǵarǵy oqý ornyn (is ákimshilendirý doqtory) bitirgen.
Eńbek jolyn 1997 jyly QR ishki ister organdarynda bastady. 2004-2006 jyldary «Qazaqoıl Aqtóbe» JShS Aqtóbe q. qaýipsiz tehnıkasy jáne eńbek qorǵaý boıynsha ınjeneri, 2006-2008 jyldary «KaspııNeft TME» JShS Aqtóbe q.bas tehnıkalyq basshysy, 2008-2010 jyldary Aqtóbe qalasy «KV Petroleum» JShS bas dırektorynyń orynbasary, 2010-2012 jyldary Aqtóbe q. «Sino Technicg Aktobe» JShS bas dırektory, 2012 jyly QR AShM Aqtóbe aýyl sharýashylyq basqarmasy bólim basshysynyń m.a., 2012 jyly «KEN ónerkásip-qarjy toby» JShS Dırektorlar keńesiniń tóraǵasy, 2012-2013 jyldary Batys Qazaqstan oblysy boıynsha ekologııa departamentiniń basshysy, 2013-2015 jyldary Manǵystaý oblysy boıynsha ekologııa departamentiniń basshysy, 2015-2019 jyldary Soltústik Qazaqstan oblysy boıynsha ekologııa departamentiniń basshysy, 2019-2025 jyldary QR Ekologııa jáne tabıǵı resýrstar mınıstrligi Ekologııalyq retteý jáne baqylaý komıteti tóraǵasynyń orynbasary laýazymyn atqarǵan.
Qazirgi qyzmetin 2025 jyldyń maýsymynan beri atqaryp keledi.
103 jyl buryn (1923-2015) sýretshi jáne anımatsııalyq kıno rejısseri, qazaq mýltıplıkatsııa óneriniń negizin qalaýshy Ámen Ábjanuly QAIDAROV dúnıege kelgen.
Qaraǵandy oblysynda týǵan. Almaty kórkemsýret ýchılışesin, Máskeýdegi Kınematografııa ınstıtýtynyń kórkemsýret bólimin bitirgen. «Qazaqstan áıelderi», «Ara» jýrnaldary redaktsııalarynda istegen. 1965 jyldan «Qazaqfılm» kınostýdııasynda qyzmet atqarǵan. 1976-1981 jyldary Qazaqstan Kınematografııashylar odaǵy basqarmasynyń mýltıplıkatsııalyq kıno jáne shyǵarmashyl jastar arasyndaǵy jumys jónindegi hatshysy bolǵan. 1967 jyly Qaıdarovtyń salǵan sýreti boıynsha «Qarlyǵashtyń quıryǵy nege aıyr?» mýltfılmi jasalǵan. Atalmysh týyndy Sankt-Peterbýrg qalasynda ótken Búkilodaqtyq kınofestıvalde, Nıý-Iork qalasynda ótken Halyqaralyq mýltıplıkatsııalyq fılmder festıvalinde júldege ıe bolǵan. Sondaı-aq onyń «Aqsaq qulan», «Quıyrshyq», «Qojanasyr qurylysshy», «Janar», «Kún sáýlesinen paıda bolǵan kójek», «Qyryq ótirik», t. b. mýltfılmderi bar.
«Parasat», «Qurmet belgisi» ordenderimen, medaldarmen marapattalǵan.
