3 mamyrǵa arnalǵan aýa raıy boljamy
ASTANA. 3 mamyr. QazAqparat - Búgin elimizdiń shyǵys aımaǵy atmosferalyq aǵymdardyń yqpalynda bolady, onymen aýa raıynyń turaqsyz sıpaty kútiledi.
Keı jerlerde jańbyr jaýady, jel kúsheıip, naızaǵaı oınady.
Al batys óńirlerge antıtsıklonnyń taramdary áser etip, kún jaýyn-shashynsyz bolady dep kútilýde. Bul týraly Qazgıdrometke silteme jasap, TJM-niń baspasóz qyzmetinen habarlady.
Atap aıtqanda, Qostanaı oblysynda jeldiń ekpini sekýndyna 15-20 metrge, keı jerlerde 23 metrge kúsheıip, tańerteń jáne keshke tuman turady.
Aqmola, Soltústik Qazaqstan, Pavlodar, Qaraǵandy, Shyǵys Qazaqstan, kúndiz Jambyl oblysynyń keı jerlerinde jeldiń jyldamdyǵy 15-20 m/s-qa deıin kúsheıedi.
Jaqyn táýlikterde respýblıkanyń ońtústik, ońtústik-shyǵys jáne shyǵysyndaǵy taý mańy ózenderinde sý kóleminiń aýytqýy baıqalady. Jaıyq jáne SQO aýmaǵyndaǵy Esil ózenderinde jáne Edil ózeniniń atyraýynda kóktemgi sý tasqyny tolqynynyń birtindep damýy jalǵasady.
