3 mamyr. Tulǵalar týǵan kún

ASTANA. QazAqparat - Búgin, 3 mamyrda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

7 3 jyl buryn (1950) Qazaqstan Respýblıkasy Parlament Senaty janyndaǵy Senatorlar keńesiniń múshesi, memleket jáne saıası qaıratkeri Ǵanı Esenkeldiuly QASYMOV dúnıege keldi.

KSRO Syrtqy ister mınıstrligi Máskeý memlekettik halyqaralyq qatynastar ınstıtýtyn bitirgen. Qazaqstan Respýblıkasy Prezıdenti Apparaty jáne Qazaqstan Respýblıkasy Mınıstrler kabınetiniń halyqaralyq bóliminiń meńgerýshisi, Parıj qalasynda Qazaqstan Respýblıkasynyń saýda ýákili, Qazaqstan Respýblıkasy Memlekettik Keden komıtetiniń tóraǵasy, Qarjy mınıstrligi Keden komıtetiniń tóraǵasy qyzmetterin atqarǵan. 1999 jyldyń qazan aıynan - Qazaqstan Respýblıkasy Parlamenti Májilisiniń depýtaty - ekologııa jáne tabıǵatty paıdalaný máselesi boıynsha komıtet múshesi. 2000 jyldyń qańtarynan - Respýblıkalyq Ardagerler jáne Qazaqstan jastary sporty odaǵynyń tóraǵasy. 2000 jyldyń maýsymynan - Qazaqstan patrıottary partııasynyń tóraǵasy. 2007-2013 jyldary - Qazaqstan Respýblıkasy Prezıdentiniń Jarlyǵymen Qazaqstan Respýblıkasy Parlamenti Senatynyń depýtaty bolyp taǵaıyndalǵan - Halyqaralyq qatynastar, qorǵanys jáne qaýipsizdik komıtetiniń múshesi. 2013 jyldyń qazanynan bastap Qazaqstan Respýblıkasy Parlamenti Senatyndaǵy Ulttyq kásipkerler palatasynyń ókili, QR Ulttyq kásipkerler palatasy janyndaǵy Kásipkerler quqyǵyn qorǵaý keńesiniń tóraǵasy.

Qazirgi qyzmetinde 2019 jyldyń qyrkúıek aıynan bastap.

2-dárejeli «Dostyq», TMD PAA «Sodrýjestvo» ordenderimen bes medalmen marapattalǵan. Qazaqstan Respýblıkasynyń Dıplomatııalyq qyzmetiniń eńbek sińirgen qyzmetkeri.

6 3 jyl buryn (1960) Qazaqstan Respýblıkasy Joǵarǵy aýdıtorlyq palatanyń múshesi Mıhaıl Mıhaılovıch BORTNIK dúnıege keldi.

Pavlodar qalasynda týǵan. Pavlodar Indýstrııalyq ınstıtýtyn bitirgen. Eńbek jolyn Aqtaý plastmas zaýytynda sheber bolyp bastaǵan. 1985-1989 jyldary - plastmas zaýyty komsomol komıtetiniń hatshysy, Shevchenko qalalyq komsomol komıtetiniń birinshi hatshysy. 1989-1998 jyldary - ýchaske bastyǵy, zaýyttyń bas energetıgi orynbasary, bas energetık mindetin atqarýshy. 1999-2008 jyldary Mańǵystaý oblysy ákiminiń kommýnaldyq sharýashylyq, kólik, qurylys, bilim alý jáne densaýlyq saqtaý jónindegi orynbasary, Mańǵystaý oblysy ákiminiń qurylys, kólik, kommýnaldyq sharýashylyq jáne energetıka jónindegi orynbasary qyzmetterin atqarǵan. 2008-2012 jyldary - Mańǵystaý oblysynan saılanǵan Qazaqstan Respýblıkasy Parlamenti Senatynyń depýtaty. Qazaqstan Respýblıkasy Parlamenti Senatynyń depýtaty - Ekonomıkalyq damý jáne kásipkerlik komıtetiniń múshesi (2012-2014), Qazaqstan Respýblıkasy Parlamenti Senatynyń depýtaty - Ekonomıkalyq damý jáne kásipkerlik komıtetiniń múshesi (2014-2020). Respýblıkalyq bıýdjettiń oryndalýyn qadaǵalaý jónindegi esep komıtetiniń múshesi (2020-2022). Qazirgi qyzmetin 2022 jyldyń qarasha aıynan beri atqaryp keledi.

«Qurmet» ordenimen, medaldarmen marapattalǵan.

35 jyl buryn (1988) Qazaqstan Respýblıkasy Mádenıet jáne sport mınıstrligi apparatynyń basshysy Ernat Arhatuly MUHAMÁDIEV dúnıege keldi.

Taraz qalasynda týǵan. Ál-Farabı atyndaǵy Qazaq ulttyq ýnıversıtetin, Oksford ýnıversıtetin bitirgen. Eńbek jolyn 2012 jyly «Nazarbaev ortalyǵy» memlekettik mekemesiniń halyqaralyq aqparattar bóliminiń aǵa sarapshysy qyzmetinen bastady. 2014-2016 jyldary — QR BǴM Jastar isi departamentinde basshylyq qyzmetter atqardy. 2016-2017 jyldary — Din isteri jáne azamattyq qoǵam mınıstrligi Ákimshilik departamentiniń dırektory. 2017-2019 jyldary — jekemenshik uıymdarda eńbek etti. 2019-2021 jyldary QR Tuńǵysh Prezıdenti – Elbasy Keńsesiniń basshysy hatshylyǵynyń ınspektory qyzmetin atqarǵan.

2021 jyldyń aqpan aıynan bastap qazirgi qyzmetinde.