3 mamyr kúngi aýa raıy boljamy
NUR-SULTAN. QazAqparat – 3 mamyr kúni Qazaqstan terrıtorııasynyń basym bóliginde jaýyn-shashynsyz aýa raıy kútiledi. Tek elimizdiń soltústigi, soltústik-batysy jáne ońtústik-shyǵysynda atmosferalyq frontaldy bólikterdiń ótýine baılanysty jańbyr, naızaǵaı boljanady. Respýblıkanyń keı jerlerinde jel kúsheıedi. Ońtústikte jelmen shańdy daýyl kóteriledi. Soltústikte – tuman, ońtústik-shyǵysta burshaq jaýýy yqtımal. QazAqparat bul týraly «Qazgıdromet» RMK-ǵa silteme jasap habarlaıdy.
Soltústik Qazaqstan oblysynda túnde jekelegen aýmaqtarda jeldiń ekpini 15-20 m/s, kúndiz 23-28 m/s deıin kúsheıedi. Túnde jáne tańerteń keı jerlerde tuman, kúndiz keı jerlerde naızaǵaı kútiledi.
Jambyl oblysynyń keı jerlerinde 15-20 m/s jel soǵady. Kúndiz jyldamdyǵy 23-28 m/s artady. Túnde jekelegen aýmaqtarda naızaǵaı, burshaq boljanady.
Túrkistan, Qyzylorda oblystarynyń keı jerlerinde shańdy daýyl kútiledi, jel 15-20 m/s kúsheıedi.
Almaty oblysynyń Alakól aýdanynda 15-20 m/s kúshpen soqqan jeldiń jyldamdyǵy 25 m/s artýy yqtımal.
Aqmola, Qaraǵandy oblystarynyń keı jerlerinde jel 15-20 m/s kúsheıedi. Kúndiz Aqmola oblysynyń jekelegen aýmaǵynda naızaǵaı oınaıdy.
Qostanaı oblysynyń keı jerlerinde naızaǵaı, 15-20 m/s ekpinde jel bolady.
Kúndiz Pavlodar oblysynyń keı jerlerinde naızaǵaı kútiledi, jel ekpini 25 m/s kúsheıedi.
Túnde Pavlodar, Qaraǵandy, Shyǵys Qazaqstan oblystarynyń keı jerlerinde 5 gradýs deıin úsik kútiledi.
