3 qyrkúıekte eldiń soltústik bóliginde salqyn aýa raıy saqtalady
ASTANA. QazAqparat - Búgin atmosferalyq fronttardyń ótýine baılanysty respýblıkanyń batysynda jáne soltústik-batysynda jańbyr jaýady, shyǵys bóliginde túngi ýaqyttarda jańbyrdyń arty qarǵa ulasýy múmkin. Respýblıkamyzdyń soltústiginde, soltústik-batysynda, shyǵysynda jáne ortalyq bóliginiń keı jerlerinde qatqaq saqtalady. Keı jerlerde jel soǵady, ońtústikte shańdy daýyl kútiledi. Túnde jáne tańerteń keı jerlerde tuman bolady, dep habarlaıdy «Qazgıdromet» RMK baspasóz qyzmeti.
Qaraǵandy, Soltústik Qazaqstan, Qostanaı, Almaty oblystarynyń keı jerlerinde túnde jáne tańerteń tuman kútiledi.
Aqmola, Pavlodar, Shyǵys Qazaqstan, Jambyl oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıip, túnde jáne tańerteń tuman kútiledi.
Túrkistan, Qyzylorda, Mańǵystaý oblystarynyń keı jerlerinde jeldiń jyldamdyǵy 15-20 m/s-ǵa deıin, ekpini 23 m/s-ǵa deıin kúsheıedi.
Batys Qazaqstan oblysynyń keı jerlerinde naızaǵaı kútiledi, jeldiń jyldamdyǵy 15-20 m/s-ǵa deıin kúsheıedi.
Qyzylorda, Túrkistan, Jambyl oblystarynda, Aqtóbe, Atyraý, Batys Qazaqstan, Mańǵystaý, Qaraǵandy oblystarynyń keı jerlerinde joǵary órt qaýpi saqtalady.
Qostanaı, Aqmola, Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde túnde 3 gradýs úsik júredi.
