3 kún ishinde Astananyń myńdaǵan jas otbasylary memlekettik baǵdarlama aýqymyndaǵy turǵyn úıge ótinish berdi
Qujattar qabyldaıtyn halyqqa qyzmet kórsetý ortalyqtaryn polıtsııa jasaqtary kúzetýde. Bul sharalar qoǵamdyq tártipti saqtaý úshin qajet. Adamdar túnnen bastap, kezekke turyp, HQKO esigin ashqan boıda ishke lap beredi. HQKO-nyń birinde esikti syndyryp kete jazdaǵan.
«Dúrbeleńdi azamattardyń ózderi týyndatady. Arnaıy qyzmet kúzeti bizde árdaıym ázir, óıtkeni halyqtyń aǵyny kóp. Degenmen azamattar arasynda qoǵamdyq tártip saqtalýy tıis», - deıdi Astana qalasy boıynsha HQKO RMK fılıalynyń dırektory Gúlmıra Babanova.
Memlekettik baǵdarlama boıynsha qujattar kelesi aptanyń sońyna deıin ǵana qabyldanady. Degenmen HQKO qyzmetkerleri páterlerdi bólýde kim qaǵazdaryn erte ne kesh ákelgeni mańyzdy emes ekenin aıtady. Turǵyn úıdi eń aldymen balldy neǵurlym kóp jınaǵandar alady - ol nekede turý uzaqtyǵyna jáne balalar sanyna qaraı esepteledi.
