3 qyrkúıekte jańbyrdyń arty qarǵa ulasady — Qazgıdromet

ASTANA. KAZINFORM — Qazgıdromet sınoptıkteri 3 qyrkúıek, seısenbige arnalǵan aýa raıy boljamyn jarııalady. 

Atmosferalyq frontaldy bólimderdiń áserinen QR soltústiginde, shyǵysynda, ońtústik-shyǵysynda aýa-raıynyń turaqsyz sıpaty saqtalady, naızaǵaımen jańbyr jaýyp, túngi jáne tańerteńgi saǵattarda tuman boljanyp, túnde eldiń shyǵysynda jáne ońtústik-shyǵysynda jańbyrdyń qarǵa aýysýy múmkin.

Eldiń qalǵan bóliginde antıtsıklonnyń áserinen aýa-raıy jaýyn-shashynsyz bolady. Respýblıka boıynsha jel kúsheıýi jáne Qazaqstannyń ońtústiginde, ońtústik-batysynda shańdy daýylmen jel kúsheıýi kútiledi.

Qaraǵandy, Shyǵys Qazaqstan oblystarynyń shyǵysynda túnde topyraq betinde 2 gradýs úsik kútiledi.

Ulytaý, Jetisý oblystarynda, Batys Qazaqstan oblysynyń batysynda, soltústiginde, Atyraý oblysynyń ortalyǵynda, Qyzylorda oblysynyń ortalyǵynda, Aqtóbe oblysynyń ońtústiginde, batysynda, ortalyǵynda, Almaty oblysynyń batysynda, soltústiginde, ortalyǵynda, Shyǵys Qazaqstan oblysynyń batysynda, Qaraǵandy oblysynyń batysynda, Qostanaı oblysynyń ońtústiginde joǵary órt qaýpi saqtalady.

Qyzylorda, Túrkistan, Jambyl, Atyraý, Mańǵystaý, Batys Qazaqstan oblystarynda, Ulytaý oblysynyń ońtústiginde, Abaı oblysynyń batysynda, soltústik-batysynda, ońtústiginde, ortalyǵynda tótenshe órt qaýpi saqtalady.