3 qyrkúıek kúni úsik júrip, jel kúsheıedi - Qazgıdromet
ASTANA. KAZINFORM - Qazaqstannyń birqatar óńirinde 3 qyrkúıektiń kún raıyna baılanysty eskertý jarııalandy. Sınoptıkter úsik, tuman, naızaǵaı, burshaq, shańdy daýyl jáne jeldiń kúsheıýin boljady. Sonymen qatar kóptegen oblysta órt qaýpiniń joǵary jáne tótenshe deńgeıi saqtalady, dep habarlaıdy Qazgıdromet.
Abaı oblysynyń soltústigi men ortalyǵynda túnde jáne tańerteń tuman túsedi. Jel ońtústik-shyǵystan soltústik-shyǵysqa aýysady. Tańerteń jáne kúndiz oblystyń ońtústik-batysynda jeldiń jyldamdyǵy sekýndyna 15-20 metrge deıin jetedi. Túnde oblystyń batysy men shyǵysynda 3 gradýsqa deıin úsik júredi.
Aqmola oblysynyń batysy, ońtústigi men ortalyǵynda jańbyr jaýyp, naızaǵaı oınaıdy. Túnde jáne tańerteń oblystyń batysy, soltústigi men shyǵysynda tuman túsedi. Túnde oblystyń shyǵysynda topyraq betinde 2 gradýsqa deıin úsik bolady.
Aqtóbe oblysynyń soltústik-shyǵysynda órt qaýpi joǵary deńgeıde saqtalady. Oblystyń qalǵan aýmaǵynda órt qaýpi tótenshe deńgeıde bolady. Aqtóbe qalasynda da tótenshe órt qaýpi saqtalady.
Almaty oblysynda kúndiz oblystyń ońtústiginde jańbyr jaýyp, naızaǵaı oınaıdy. Taýly aýdandarda ótkinshi jańbyr men naızaǵaı kútiledi. Túnde jáne tańerteń taýly aýdandarda keı ýaqytta tuman túsedi. Jel soltústik-shyǵystan ońtústik-batysqa aýysady. Kúndiz taýly aýdandarda jeldiń ekpini sekýndyna 15-20 metrge jetedi. Oblystyń ortalyǵy, batysy men shyǵysynda tótenshe órt qaýpi saqtalady.
Almatyda kúndiz ótkinshi jańbyr jaýyp, naızaǵaı oınaıdy. Qonaevta tótenshe órt qaýpi saqtalady.
Atyraý oblysynda tótenshe órt qaýpi saqtalady. Atyraý qalasynda da tótenshe órt qaýpi bar.
Shyǵys Qazaqstan oblysynyń soltústigi men shyǵysynda túnde jáne tańerteń tuman túsedi. Túnde soltústik, shyǵys jáne taýly aýdandarda 5 gradýsqa deıin úsik júredi. Óskemende túnde jáne tańerteń tuman bolady.
Jetisý oblysynyń taýly aýdandarynda jańbyr jaýyp, naızaǵaı oınaıdy. Túnde jáne tańerteń taýly aýdandarda tuman túsedi. Jel soltústik-shyǵystan soǵady. Oblystyń shyǵysy men taýly aýdandarynda jeldiń ekpini sekýndyna 15-20 metrge, Alakól kólderi mańynda keı ýaqytta 23-28 metrge deıin jetedi. Oblystyń soltústiginde órt qaýpi joǵary deńgeıde saqtalady. Ońtústigi men shyǵysynda órt qaýpi tótenshe deńgeıde bolady.
Batys Qazaqstan oblysynda tótenshe órt qaýpi saqtalady. Soltústik-batysta órt qaýpi joǵary deńgeıde bolady. Oral qalasynda da joǵary órt qaýpi saqtalady.
Qaraǵandy oblysynyń batysy men soltústiginde túnde jáne tańerteń tuman túsedi. Jel soltústik-shyǵystan soǵady. Oblystyń ońtústik-shyǵysynda jeldiń ekpini sekýndyna 15 metrge jetedi. Túnde oblystyń shyǵysynda 2 gradýsqa deıin úsik júredi. Ortalyǵynda joǵary órt qaýpi saqtalady.
Qostanaı oblysynyń batysy, shyǵysy men ońtústiginde jańbyr jaýady. Kúndiz naızaǵaı oınap, burshaq jaýýy múmkin. Túnde jáne tańerteń oblystyń batysy men soltústiginde tuman túsedi. Soltústik-batysynda joǵary órt qaýpi saqtalady. Ońtústigi, ońtústik-shyǵysy men ortalyǵynda órt qaýpi tótenshe deńgeıde bolady.
Qyzylorda oblysynyń ońtústigi men ortalyǵynda kúndiz shańdy daýyl soǵady. Jel soltústik-shyǵystan soǵady. Kúndiz ońtústik jáne ortalyq aýdandarda jeldiń jyldamdyǵy sekýndyna 15-20 metrge jetedi. Oblysta tótenshe órt qaýpi saqtalady. Qyzylorda qalasynda kúndiz shańdy daýyl bolady. Soltústik-shyǵystan soqqan jeldiń ekpini sekýndyna 15 metrge jetedi. Qalada tótenshe órt qaýpi saqtalady.
Mańǵystaý oblysynyń batysy men soltústiginde tótenshe órt qaýpi saqtalady. Ortalyǵynda órt qaýpi joǵary deńgeıde bolady. Aqtaý qalasynda tótenshe órt qaýpi saqtalady.
Pavlodar oblysynyń ońtústigi, shyǵysy men ortalyǵynda túnde jáne tańerteń tuman túsedi. Túnde oblystyń ońtústiginde 1 gradýsqa deıin úsik júredi. Pavlodarda túnde jáne tańerteń tuman bolady.
Soltústik Qazaqstan oblysynyń batysy men ońtústiginde túnde ótkinshi jańbyr jaýyp, naızaǵaı oınaıdy. Túnde jáne tańerteń oblystyń batysynda tuman túsedi. Jel ońtústik-batystan soǵady. Batysy men ońtústiginde jeldiń ekpini sekýndyna 15-20 metrge jetedi. Túnde oblystyń soltústigi men shyǵysynda topyraq betinde 2 gradýsqa deıin úsik bolady.
Túrkistan oblysynyń batysy men soltústiginde shańdy daýyl soǵady. Batys, soltústik, taýly jáne taý bókterindegi aýdandarda soltústik-shyǵystan soqqan jeldiń jyldamdyǵy sekýndyna 15-20 metrge jetedi. Kúndiz jeldiń ekpini keı ýaqytta sekýndyna 23-28 metrge deıin kúsheıedi. Oblysta tótenshe órt qaýpi saqtalady.
Shymkentte kúndiz soltústik-shyǵystan jel soǵady. Jeldiń ekpini sekýndyna 15-20 metrge jetedi. Qalada tótenshe órt qaýpi saqtalady.
Túrkistanda soltústik-shyǵystan jel soǵyp, onyń ekpini sekýndyna 15-20 metrge jetedi. Qalada tótenshe órt qaýpi saqtalady.
Ulytaý oblysynda tótenshe órt qaýpi saqtalady. Jezqazǵanda da tótenshe órt qaýpi bar.
Buǵan deıin elde aýa temperatýrasy 33 gradýsqa deıin joǵarylaıtyny týraly jazdyq.
