3 qazanǵa deıin qandaı banknottardy aıyrbastaý kerek - Ulttyq bank
ALMATY. QazAqparat – Qazaqstan Respýblıkasynyń Ulttyq banki 2020 jyldyń 3 qazanynda 2006 jylǵy úlgidegi 2 000, 5 000 jáne 10 000 teńgelik banknottardy aıyrbastaý kezeńiniń aıaqtalatynyn eske salady, dep habarlaıdy QazAqparat tilshisi.
Qolma-qol aqsha aınalymynan alynǵan banknottardy Qazaqstan Respýblıkasy ulttyq valıýtasynyń qoldanystaǵy aqsha belgilerine aıyrbastaý tek qana Ulttyq banktiń fılıaldarynda júrgiziledi.
«2006 jylǵy banknottardy kezeń-kezeńimen aýystyrý jáne alý 2016 jyldyń qarashasynda bastaldy. Aǵymdaǵy jyldyń 3 qazanynda atalǵan banknottardyń aınalys merzimi aıaqtalǵannan keıin Ulttyq banktiń fılıaldary olardy qabyldaýdy jáne qoldanystaǵy aqsha belgilerine aıyrbastaýdy toqtatady. Osy kúnge deıin banknottardy elimizdiń 17 qalasynda ornalasqan QR UB barlyq aýmaqtyq fılıaldarynda aıyrbastaýǵa bolady», - dep atap ótti Ulttyq banktiń qolma-qol aqsha aınalymy departamentiniń dırektory Jomart Qajymuratov.
