3 qazandyq iske qosylǵan: Rıdder jylý ortalyǵyndaǵy jóndeý jumystary qalaı júrip jatyr
Rıdder qalasyndaǵy jylý ortalyǵynda qazirgi ýaqytta 3 qazandyq iske qosylǵan, dep habarlaıdy Kazinform.
ShQO qurylys, energetıka jáne turǵyn úı-kommýnaldyq sharýashylyq basqarmasynyń málimetine súıensek, búginde Rıdderdegi jylý elektr ortalyǵynda jóndeý jumystary kestege sáıkes júrgizilýde.
«Ótken aptada JEO-da №2 qazandyq iske qosyldy. Osylaısha, ortalyqta barlyǵy 3 qazandyq jumys istep tur. Bul qalany jylýmen tolyq qamtamasyz etýge jetkilikti. Sondaı-aq joǵary qysymdy qazandyqtardy qosý boıynsha tehnıkalyq jumystar júrgizilip jatyr. Olar 15 qarashaǵa deıin iske qosylmaq», - deıdi basqarma basshysynyń orynbasary Nurlan Ramazanov.
Onyń aıtýynsha, jylý elektr ortalyǵyndaǵy merdiger uıymdardyń jumysy kún saıyn qadaǵalanýda.
Búginde JEO 11 myń tonnadan astam kómirmen jáne 120 tonna mazýtpen qamtamasyz etilgen.
