3 qazan kúni respýblıkanyń birqatar aımaqtarynda jańbyr jaýady
ASTANA. QazAqparat - 3 qazan kúni Qazaqstannyń kóptegen bólikterinde frontaldy bólikteriniń ótýine baılanysty jańbyr jaýyp, jel kúsheıedi, respýblıkanyń soltústik-batysynda, soltústiginde, ortalyǵynda jáne shyǵysynyń keı jerlerinde tuman baqylanady, tek ońtústik-batysynda, ońtústiginde jáne ońtústik-shyǵysynda aýa raıy jaýyn-shashynsyz bolady.
Bul týraly Qazgıdromet habarlady.
Aqmola, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinde túnde jel 15-20 m/s, kúndiz 15-20, ekpini 25 m/s deıin jetedi, Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde túnde jáne tańerteń tuman kútiledi. Kúndiz Jambyl oblysynyń keı jerlerinde jel 15-20, ekpini 23 m/s kúsheıedi. Ońtústik Qazaqstan, Aqtóbe oblystarynyń keı jerlerinde jel 15-20 m/s deıin kúsheıedi. Atyraý oblysynda, Qyzylorda, Mańǵystaý oblystarynyń keı jerlerinde jel 15-20 m/s kúsheıip, shańdy daýyl kóteriledi. Batys Qazaqstan oblysynda jeldiń kúshi 15-20, keı jerlerinde 25 m/s deıin kúsheıedi. Qostanaı oblysynyń keı jerlerinde tuman kútiledi, túnde jeldiń ekpini 17-22 m/s, kúndiz 15-20 m/s, keı jerlerinde 25 m/s deıin kúsheıedi.
