3 qazan kúni elordada ótetin mańyzdy sharalar ańdatpasy
«QazAqparat» halyqaralyq aqparat agenttigi 3 qazan kúni Astanada ótetin mádenı jáne qoǵamdyq mańyzdy sharalar ańdatpasyn usynady.
9.00-de EXPO Kongress ortalyǵynda Kazakhstan Energy Week — 2023 (KEW-2023) / XV KAZENERGY forýmy ótedi.
10.00-de Úkimet úıinde kezekti Úkimet otyrysy ótedi. Kún tártibinde óńdeý ónerkásibin damytý jáne jol qozǵalysy qaýipsizdigi máseleleri qaralady.
10.00-de 68665 áskerı bólimi bazasynda «Jas Sarbaz — patrıottar mekeni» kúzgi áskerı-patrıottyq oıyndary ótedi.
11.00-de QR Ulttyq akademııalyq kitaphanasynda qazaqstandyq fotojýrnalıstıka negizin qalaýshylardyń biri, belgili fototilshi Saılaý Pernebaevtyń 85-jyldyǵyna arnalǵan «Aq pen qara» fotokitabynyń tanystyrylymy jáne mereıtoılyq jeke shyǵarmashylyq fotokórmesiniń ashylýy ótedi.
10.00-de «Rixos President Astana» qonaq úıinde «Aýyl» halyqtyq-demokratııalyq patrıottyq partııasy «Ult rýhynyń uıasy — Aýyl ana» atty «Aýyl» áıelderiniń I Respýblıkalyq jıynyn ótkizedi.
Atalǵan sharaǵa elimizdiń barlyq óńirinen onlaın jáne oflaın rejımde ózderin otbasynda ǵana emes, kásibı jáne shyǵarmashylyq qyzmet pen bızneste de tanytqan 300-ge jýyq qyz-kelinshek qatysady.
11.00-de Astana qalasy máslıhatynyń segizinshi saılanymynyń kezekten tys sessııasy shaqyrylady.
11.00-de Qazmedıa ortalyǵynda Broadcasting / Cinema 2023 atty halyqaralyq gıbrıdti kórme-konferentsııasy ótedi.
11.00-de Silteme baspasóz klýbynda (Dostyq kóshesi, 3) «Baıtaq» Jasyldar partııasy, ekologııalyq retteý jáne baqylaý komıteti qorshaǵan ortaǵa emıssııaǵa ruqsat berýdi jaramsyz/zańsyz dep taný týraly sot talaby jáne «Arselor Mıttal Temirtaý» AQ bolat departamenti úshin qoǵamdyq tyńdaý hattamasy taqyrybynda baspasóz konferentsııasyn ótkizedi.
11.00-de Astana qalasy kommýnıkatsııalar qyzmetinde «Turmysta gazdy qaýipsiz paıdalaný erejeleri» týraly onlaın brıfıng ótedi.
Spıkerler: Astana qalasy TJD memlekettik órt baqylaý basqarmasynyń bastyǵy Erkin Otarǵalymuly, «QazTransGaz Aımaq» AQ Astana óndiristik fılıaly dırektorynyń birinshi orynbasary Erjan Balabekov, «QazTransGaz Aımaq» AQ Astana óndiristik fılıalynyń gazben jabdyqtaý jáne ótkizý qyzmetiniń bastyǵy Murat Bektibaev.
Onlaın baspasóz konferentsııasy Astana qalasy kommýnıkatsııalar qyzmetiniń Fasebook paraqshasynda tikeleı efırde ótedi.
12.00-de QR Prezıdenti janyndaǵy ortalyq kommýnıkatsııalar qyzmetinde «Qurmanǵazy atyndaǵy HІІ respýblıkalyq halyq aspaptarynda oryndaýshylar konkýrsy týraly» baspasóz máslıhaty ótedi.
Spıkerler: QR Mádenıet jáne aqparat mınıstrligi mádenıet komıtetiniń tóraǵasy Seıitova Kúmis Qarsaqbaıqyzy; kúıshi, «Qurmet» ordeniniń ıegeri, Qurmanǵazy atyndaǵy Respýblıkalyq konkýrsynyń qazylar alqasy tóraǵasy Toqtaǵan Aıtjan Esenuly; Qurmanǵazy atyndaǵy Qazaq ulttyq halyq aspaptar orkestriniń dırektory Qýanyshev Medet Ermekqalıuly.
15.00-de Astana qalasy kommýnıkatsııalar qyzmetinde «Psıhonevrologııalyq aýrýlary bar adamdarǵa arnaýly áleýmettik qyzmet kórsetý» týraly onlaın brıfıng ótedi.
Spıker: Astana qalasynyń jumyspen qamtý jáne áleýmettik qorǵaý basqarmasy basshysynyń orynbasary Erkebulan Málik.
Onlaın baspasóz konferentsııasy Astana qalasy kommýnıkatsııalar qyzmetiniń Fasebook paraqshasynda tikeleı efırde ótedi.
