3 qazan. QazAqparat kúntizbesi
3 qazan. SÁRSENBІ
Túrki yntymaqtastyǵy kúni
2009 jylǵy 3 qazanda túrkitildes elder memleket basshylarynyń IX sammıtinde Qazaqstan, Túrkııa, Ázerbaıjan jáne Qyrǵyz Respýblıkasynyń prezıdentteri tarıhı Nahchyvan qujatyna qol qoıdy. Sol kúnnen bastap túrki álemi ıntegratsııasy jańa bir beleske kóterildi. Atalǵan kelisim nátıjesinde tarıhta alǵash ret baýyrlas tórt el Túrkitildes elderdiń yntymaqtastyq keńesi atty halyqaralyq uıym qurdy. Osydan soń TúrkPA, Halyqaralyq Túrki akademııasy dúnıege keldi. Al TÚRKSOI jańa serpinmen jumys isteı bastady. Nahchyvan kelisimi bekigen 3 qazan túrki áleminde jyl saıyn túrki halyqtarynyń yntymaqtastyǵy kúni retinde atalyp keledi.
German Federatıvtik Respýblıkasynyń Memlekettik meıramy - Germanııa birligi kúni (1990)
Germanııa - Eýropada ornalasqan memleket. Soltústiginde Danııamen, shyǵysynda Polsha, Cheh Respýblıkasymen, ońtústiginde Avstrııa, Shveıtsarııamen, batysynda Frantsııa, Lıýksembýrg, Belgııa jáne Nıderlandymen shektesedi. Astanasy - Berlın qalasy. Memlekettik tili - nemis tili. Memlekettik qurylysy - Federatıvtik Respýblıka. Memleket basshysy - Prezıdent. Úkimet basshysy - kantsler.
Qazaqstan Respýblıkasy men Germanııa Federatıvtik Respýblıkasy arasyndaǵy dıplomatııalyq qarym-qatynas 1992 jylǵy 12 aqpanda ornatyldy.
Halyqaralyq balalar tserebraldy sal aýrýy kúni
Qazannyń birinshi sársenbisinde atap ótiletin Halyqaralyq balalar tserebraldy sal aýrýy kúni - osy aýrýǵa shaldyqqan adamdardyń ómirin jaqsy jaqqa ózgertýge baǵyttalǵan arnaýly joba. Joba álemdegi 46 eldiń 270 aýrýhanasy men uıymy tarapynan qoldaý tapty.
Iraktyń táýelsizdik kúni
1932 jyly Iraktyń Ulybrıtanııadan táýelsizdik alýyna oraı bekitildi.
Ońtústik Koreıa memleketiniń negizi qalanǵan kún
1949 jyly Ulttyq merekelik kúnder týraly Zańmen bekitilgen 5 ulttyq merekeniń biri.
ESTE QALAR OQIǴALAR
1883 jyly Semeı oblystyq kitaphanasy ashyldy. Bul mekeme Semeıge patsha úkimeti jer aýdarǵan revolıýtsıoner demokrattardyń bastamasymen quryldy. Kitaphananyń qorynda alǵashqy kezde myń dana baspa ónimi boldy. Ol zamanda osynsha qor óte baı qazyna bolatyn. Kitaphanada orys klassıkteriniń shyǵarmalarymen qatar shet el klassıkteriniń, álemniń eń iri ǵalymdarynyń da tirshilik, tabıǵat, qoǵam ómirine baılanysty máselelerdi qarastyrǵan eńbekterin tabýǵa bolatyn edi. Atalmysh kitaphana Semeı zııalylarynyń ortalyǵyna aınalǵan. Turaqty oqyrmandary qatarynda Abaı, E.Mıhaelıs, N.Dolgopolov boldy. Amerıkandyq jýrnalıst, pýblıtsıst Djordj Kennan, polıak revolıýtsıoneri A.ıAnýshkevıch, orystyń áıgili saıahatshysy P.Semenov Tıan-Shanskıı sııaqty iri tulǵalar da kitaphanaǵa bas suqqan.
1946 jyly Óskemen qalasynda 600 abonentke arnalǵan jartylaı avtomatty telefon stansasynyń birinshi kezeńi paıdalanýǵa berildi.
1997 jyly Almatyda Qazaqstannyń halyq jazýshysy Qalıjan Bekhojın turǵan úıge eskertkish taqta ornatyldy.
1997 jyly Almatyda akademık Muhamedjan Qarataev turǵan úıge eskertkish taqta ornatyldy.
2005 jyly Elbasy Nursultan Nazarbaevtyń Grýzııaǵa resmı sapary barysynda Qazaqstan Respýblıkasy Úkimeti men Grýzııa Úkimeti arasyndaǵy 2006-2010 jyldarǵa arnalǵan Saýda-ekonomıkalyq yntymaqtastyq baǵdarlamasyna, sonymen birge Áýe qatynasy jónindegi jáne úkimetaralyq kelisimge ózgerister engizý týraly Hattamaǵa qol qoıyldy.
2007 jyly Qazaqstan men Reseı Úkimetteriniń basshylary eki el jaǵalaýlaryn jalǵastyratyn Qıǵash ózeni arqyly kópirdi ashty.
2009 jyly Semeıde «Oralmandardy beıimdeý jáne áleýmettik yqpaldastyrý ortalyǵy» ashyldy. Ortalyqtyń negizgi jumysy - oralmandardy beıimdeý jónindegi qyzmet kórsetý, olardy kásiptik oqytý jáne qaıta mamandandyrý.
2009 jyly QR Prezıdenti N.Nazarbaev Ázerbaıjannyń Nahchyvan qalasynda ótken túrkitildes halyqtarynyń ІH sammıtinde túrki áleminiń búgini, erteńi jáne bolashaǵyn zertteý jónindegi halyqaralyq ǵylymı ortalyqty qurý usynysyn jasady.
Qazaqstan Prezıdenti sondaı-aq ekonomıkany, ekologııalyq qaýipsizdikti, mádenı-gýmanıtarlyq salalardy damytýda yntymaqtastyqtyń anaǵurlym perspektıvalyq baǵyttaryn aıqyndap berdi. Sondaı-aq túrki elderiniń Eýropa men Azııa arasyndaǵy baılanystardy ornyqtyrý jáne qaýip-qaterler men shaqyrýlarǵa birlesip qarsy turý protsesterine qatysýy mańyzdy.
Forým barysynda túrki álemi elderi arasyndaǵy ózara qarym-qatynastardy nyǵaıtý máseleleri jóninde pikir almasyldy.
2010 jyly Almatydaǵy «Medeý» shatqalynda «Baspaldaq-2010» dástúrli júgirý jarysy ótti.
2011 jyly Sh.Aımanov atyndaǵy «Qazaqfılm» AQ-nyń rejısser Qanaǵat Mustafınniń «Ryvok» fılmi «Atlant» VIII halyqaralyq sporttyq fılmder festıvalinde «Sport týraly úzdik kórkem fılm» nomınatsııasy boıynsha úshinshi oryn aldy.
2012 jyly Astanada «Alashorda» fotoalbomynyń tanystyrylymy ótti.
2012 jyly Astanada QR Ulttyq akademııalyq kitaphanasynda «Іlııas Omarov: hattar arqalaǵan syrlar. Iz perepıskı Ilıasa Omarova» derekti jınaǵynyń tanystyrylymy boldy.
2012 jyly Astanada Qazirgi zamanǵy óner murajaıynda «Lıtva óneri» atty baltyq sýretshileriniń toptyq kórmesi ashyldy. Kórme Lıtva Respýblıkasy men Qazaqstan arasyndaǵy dıplomatııalyq qatynastardyń 20 jyldyǵyna oraı Lıtva Elshiliginiń qoldaýymen ótti.
2013 jyly Taraz qalasynda qazaqtyń kórnekti qaıratkeri, sheshen Tóle bıdiń 350 jyldyǵyna oraı eskertkish qoıyldy.
2013 jyly «Qazaqstan» ulttyq arnasy «Sheteldegi qazaq balalary» biregeı jobasyn tanystyrdy.
2013 jyly Maǵjan Jumabaevtyń týǵanyna 120 jyl tolýyna oraı Astanadaǵy QR Ulttyq akademııalyq kitaphanasynda qazaq klassıginiń tatar tiline aýdarylǵan óleńder jınaǵynyń tanystyrylymy ótti.
2015 jyly Aqtóbe oblysynda Qazaq handyǵynyń 550 jyldyǵy aıasynda «Han molasy» memorıaldyq kesheniniń ashylý saltanaty boldy. Eskertkish taqta jáne kesenelen turatyn keshen Áıteke bı aýdanynda ornalasqan. Ol jerde Ábilqaıyr han da jerlengen bolatyn.
2016 jyly Astana qalasyndaǵy Táýelsizdik saraıynda Qazaqstan jáne Reseıdiń memleket basshylarynyń qatysýymen eki eldiń óńiraralyq yntymaqtastyǵynyń HІІІ forýmy ótti.
1866 jyly Vena kelisimi boıynsha Avstrııa Italııaǵa Venetsııany berdi.
1906 jyly SOS halyqaralyq apat dabyly bolyp bekitildi.
1990 jyly eki el - GDR men GFR birigip, Germanııa memleketi quryldy.