3 qazan eldiń basym bóliginde jaýyn-shashynsyz ótedi
ASTANA. QazAqparat - 3 qazan kúni Qazaqstannyń basym bóliginde jaýyn-shashynsyz aýa raıy kútiledi. Tek atmosferalyq fronttardyń yqpalynda bolatyn batys jáne shyǵys aýmaqtarda jaýyn jaýyp, naızaǵaı oınaıdy. Sondaı-aq respýblıkanyń keı jerlerinde kúshti jel soǵyp, tuman túsedi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqmola, Qostanaı, Qaraǵandy, Soltústik Qazaqstan, Shyǵys Qazaqstan, túnde Pavlodar oblystarynyń keı jerlerinde tuman bolady. Shyǵys Qazaqstan, kúndiz Soltústik Qazaqstan oblystarynyń jekelegen aýmaqtarynda 15-20 m/s ekpinde jel kútiledi.
Jambyl, Túrkistan, kúndiz Qyzylorda oblystarynyń keı jerlerinde jeldiń jyldamdyǵy 15-20 m/s kúsheıedi.
Almaty, kúndiz Manǵystaý oblystarynyń keı aýmaqtarynda naızaǵaı boljanady.
Almaty oblysynyń Jalańashkól aýdanynda kúndiz jel 17-22 m/s kúsheıedi.
Sonymen qatar Túrkistan, Mańǵystaý oblystarynda, Qyzylorda, Jambyl oblystarynyń basym bóliginde, Almaty, Qaraǵandy, Aqtóbe oblystarynyń keı jerlerinde joǵary órt qaýpi saqtalady.
