3 qarashaǵa arnalǵan aýa raıy boljamy
ASTANA. QazAqparat - Beısenbi, 3 qarasha kúni Qazaqstan terrıtorııasynyń basym bóliginde turaqsyz aýa raıy saqtalady, keı jerlerde jaýyn-shashyn bolady, tek batysta jaýyn-shashynsyz kún raıy kútiledi.
Jekelegen aýmaqtarda tuman, kóktaıǵaq bolady, jel 15-25 m/s-ty quraıdy, soltústikte jaıaý burqasyn júredi. Ońtústikte keı jerlerde naızaǵaı oınaıdy, dep habarlaıdy QazAqparat «Qazgıdrometke silteme jasap.
Ońtústik Qazaqstan oblysynyń keı jerlerinde - tuman, 15-20 m/s ekpinmen soqqan jel 23 m/s-qa deıin kúsheıedi.
Jambyl oblysynyń keı aýmaqtarynda jeldiń jyldamdyǵy 15-20 m/s-tan 23 m/s-qa artady. Almaty oblysynyń Jalanashkól aýdanynda jel 20-25 m/s kúsheıedi.
Aqmola, Pavlodar oblystarynda tuman, kóktaıǵaq bolady, jeldiń ekpini 15-20 m/s bolady.
Qaraǵandy oblysynyń keı jerlerinde tuman, kóktaıǵaq, kúndiz jeldiń ekpini 15-20 m/s quraıdy.
Qyzylorda oblysynyń keı jerlerinde naızaǵaı kútiledi, tuman bolady, jel 15-20 m/s kúsheıedi.
Soltústik Qazaqstan oblysynyń keı aýmaqtarynda jaıaý burqasyn júrip, jeldiń jyldamdyǵy 15-25 m/s artady.
Shyǵys Qazaqstan oblysynyń jekelegen jerlerinde tuman kútiledi, jel 15-20 m/s kúsheıedi.
Batys Qazaqstan, Qostanaı, túnde Mańǵystaý oblystarynyń keı jerlerinde tuman, kóktaıǵaq bolady.
Atyraý oblysynyń keı jerlerinde tuman boljanady.
