3 qarashada álemdik munaı baǵasy sál ósti
ALMATY. KAZINFORM — 3 qarashaseısenbi kúni saýda-sattyqtyń alǵashqy kezeńinde álemdik munaı baǵasy ósti.
Oilprice.com málimetinshe, Brent markaly munaıdyń bir barreli 104,85 dollar boldy. Bul aldyńǵy kórsetkishten 0,08 dollarǵa nemese 0,08%-ǵa joǵary.
3 qarasha kúni tańerteń WTI markaly munaı fıýchersteri bir barreli 96,73 dollar deńgeıinde saýdalandy. Onyń baǵasy 0,27 dollarǵa nemese 0,28%-ǵa ósti.
Al reseılik Urals munaıynyń baǵasy 1,82 dollarǵa nemese 1,77%-ǵa tómendep, bir barreli 101,12 dollar boldy.
Munaı baǵasynyń ósýine Taıaý Shyǵystaǵy qaqtyǵys ta áser etip otyr. Sonyń saldarynan Ormýz buǵazy arqyly ótetin kemeler qozǵalysy aıtarlyqtaı qysqarǵan. Jaǵdaı shıeleniskenge deıin bul buǵaz arqyly álemdik munaı men tabıǵı gaz jetkiziliminiń shamamen besten bir bóligi tasymaldanatyn.
Iran Islam revolıýtsııasy saqshylary korpýsynyń (IIRSK) áskerı-teńiz kúshteriniń málimetinshe, 25 qazannan beri Ormýz buǵazynda erejeni buzǵan 11 tanker órtengen. Olardyń keıbiri sýǵa batqan.
Eske salaıyq, qarashanyń basy munaı baǵasynyń tómendeýimen bastalǵan edi.
